|
ທ່ານຫູຈີນທາວກ່າວວ່າ, ວາງແຜນແລະກຳທິດຂະຫຍາຍຕົວຂອງການພົວພັນລະຫວ່າງຈີນກັບເອີລົບໃຫ້ດີຈາກຄວາມສູງຍຸດທະສາດແມ່ນໜ້າທີ່ຮັບຜິດຊອບຮ່ວມກັນຂອງທັງສອງຝ່າຍ
cri
ຕາມຂ່າວ cri: ວັນທີ 28 ພະຈິກນີ້, ຢູ່ທີ່ປັກກິ່ງ, ທ່ານຫູຈີນທາວ ປະທານປະເທດຈີນກ່າວວ່າ, ການວາງແຜນແລະກຳທິດຂະຫຍາຍຕົວຂອງການພົວພັນລະຫວ່າງຈີນກັບເອີລົບໃຫ້ດີຈາກຄວາມສູງຍຸດທະສາດແມ່ນໜ້າທີ່ຮັບຜິດຊອບຮ່ວມກັນຂອງທັງສອງຝ່າຍ, ຫວັງໃຫ້ຝ່າຍຈີນແລະເອີລົບເພີ່ມຄວາມໄວ້ເນື້ອເຊື່ອໃຈດ້ານຍຸດທະສາດ, ເປີດກວ້າງການຮ່ວມມືຕົວຈິງ, ບົນພື້ນຖານນ້ຳໃຈທີ່ຕ່າງເຄົາລົບກັນແລະເປິກສາຫາລືຢ່າງສະເໝີພາບກັນ, ຊຳລະແກ້ໄຂສະພາບການໃໝ່ແລະບັນຫາໃໝ່ໃນການຂະຫຍາຍການພົວພັນສອງຝ່າຍ.
ທ່ານຫູຈີນທາວແມ່ນໃຫ້ທັດສະນະດັ່ງກ່າວໃນເວລາພົບປະກັບທ່ານໂຈສ ໂຊກຼາເທັສ ນາຍົກລັດຖະມົນຕີປອກຕຸຍການເຊິ່ງເປັນປະເທດປະທານໝູນວຽນຂອງສະຫະພາບເອີລົບແລະທ່ານໂຈສ ມານູເອັນ ບາໂຣໂຊ ປະທານຄະນະກຳມາທິການສະຫະພາບເອີລົບ. ຜູ້ນຳທັງສອງດັ່ງກ່າວແມ່ນມາປັກກິ່ງເພື່ອເຂົ້າຮ່ວມການພົບປະລະຫວ່າງຜູ້ນຳຈີນເອີລົບຄັ້ງທີ 10.
ທ່ານໂຊກຼາເທັສກັບທ່ານບາໂຣໂຊກ່າວວ່າ, ຝ່າຍເອີລົບໃຫ້ຄວາມສຳຄັນໃນລະດັບສູງແກ່ການພົບປະຜູ້ນຳເອີລົບຈີນຄັ້ງທີ 10 , ຍິນດີຫາລືກັບຝ່າຍຈີນເພື່ອແກ້ໄຂບັນຫາໃນການພົວພັນລະຫວ່າງເອີລົບກັບຈີນດ້ວຍທ່າທີວົງເປີດແລະມີລັກສະນະສ້າງສັນ, ພ້ອມກັນຮັບມືກັບບັນຫາສາກົນແລະພາກພື້ນທີ່ສຳຄັນ, ເຊັ່ນ: ການປ່ຽນແປງຂອງດິນຟ້າອາກາດເປັນຕົ້ນ.
|
|
