|
|
 |
| (GMT+08:00)
2007-11-28 19:07:18
|
 |
|
ຈີນຈະຕັ້ງໜ້າເພີ່ມທະວີການຮ່ວມມືວິທະຍາສາດເຕັກນິກສາກົນໃນຂົງເຂດຢາພື້ນເມືອງ
cri
ຕາມຂ່າວ CRI: ວັນທີ 28 ພະຈິກນີ້, ກອງປະຊຸມການຮ່ວມມືວິທະຍາສາດເຕັກນິກສາກົນຢາພື້ນເມືອງຈີນໄດ້ຈັດຂຶ້ນຢູ່ປັກກິ່ງ. ໃນພິທີໄຂງານ, ທ່ານນາງອູອີ ຮອງນາຍົກລັດຖະມົນຕີຂອງຈີນກ່າວວ່າ, ຈີນຈະພະຍາຍາມຍົກລະດັບການຮ່ວມມືວິທະຍາສາດເຕັກນິກກັບຕ່າງປະເທດໃຫ້ສູງຂຶ້ນ, ຮ່ວມກັນກັບວົງການຢາແລະວິທະຍາສາດເຕັກນິກສາກົນ, ຊຸກຍູ້ການພັດທະນາຂອງຢາພື້ນເມືອງຈີນ.
ທ່ານນາງອູອີກ່າວວ່າ, ລັດຖະບານຈີນຍິນດີສະໜອງບົດຮຽນທີ່ນຳໃຊ້ຢາພື້ນເມືອງຈີນເພື່ອຍົກສູງປະສິດທິພາບຂອງການປິ່ນປົວໃຫ້ແກ່ປະເທດຕ່າງໆໃນໂລກ, ໂດຍສະເພາະມແມ່ນປະເທດພວມພັດທະນາອັນໄພສານ, ໃຫ້ການສະໜັບສະໜູນດ້ານເຕັກນິກແລະນັກວິຊາການໃຫ້ແກ່ປະເທດຕ່າງໆເພື່ອສ້າງສູນປິ່ນປົວດ້ວຍຢາພື້ນເມືອງຈີນ. ທ່ານນາງຍັງສະເໜີໃຫ້ປະເທດຕ່າງໆທີ່ກ່ຽວຂ້ອງຄວນນຳໃຊ້ພາຫະນະເຕັກນິກທັນສະໄໝຢ່າງເຕັມສ່ວນ, ຮ່ວມກັນເພີ່ມທະວີການຄົ້ນຄວ້າຢາພື້ນເມືອງຈີນ, ຊຸກຍູ້ໃຫ້ຂະແໜງການຕິດຕາມຄຸ້ມຄອງຢາຂອງປະເທດຕ່າງໆດຳເນີນການສົນທະນາ, ວາງແຜນການຕະຫຼາດແລະອະນຸຍາດໃຫ້ເຂົ້າສູ່ຕະຫຼາດທີ່ສອດຄ່ອງກັບຈຸດພິເສດຂອງຢາພື້ນເມືອງຈີນ, ພ້ອມກັນຄົ້ນຄວ້າສ້າງລະບຽບການສະເພາະທີ່ສອດຄ່ອງກັບຄວາມຕ້ອງການຂອງການປ້ອງກັນສິດຊັບສິນທາງປັນຍາຂອງ ກ່ຽວກັບຢາພື້ນເມືອງຈີນ.
ຜູ້ແທນ 500 ກວ່າຄົນທີ່ມາຈາກ 40 ກວ່າປະເທດແລະເຂດແຄວ້ນໄດ້ເຂົ້າຮ່ວມກອງປະຊຸມດັ່ງກ່າວ.
|
|
|
