|
|
 |
| (GMT+08:00)
2007-11-28 20:48:38
|
|
ລົມໄຕ້ຟຸ່ນມິຕັກຜ່ານຟິລິບປິນເຮັດໃຫ້ 19 ຄົນເສຍຊີວິດ
cri
ຕາມຂ່າວສານຊິ່ນຮວາ: ຕອນເຊົ້າວັນທີ 28 ພະຈິກນີ້, ຄະນະກຳມະການປະສານງານການກູ້ໄພແຫ່ງຊາດຟິລິບປິນກ່າວວ່າ, ລົມໄຕ້ຟຸ່ນມິຕັກທີ່ຂຶ້ນບົກເກາະລຸຍຊົງພາກເໜືອຟິລິບປິນໃນຕອນກາງຄືນວັນທີ 25 ພະຈິກນີ້ໄດ້ເຮັດໃຫ້ 19 ຄົນເສຍຊີວິດ, ແລະ 8 ຄົນຫາຍສາບສູນ.
ຄະນະກຳມະການດັ່ງກ່າວກ່າວວ່າ, ປະມານ 1 ແສນ 2 ໝື່ນຄອບຄົວແລະ 5 ແສນ 5 ໝື່ນກວ່າຄົນໄດ້ຮັບຜົນສະທ້ອນຈາກລົມໄຕ້ຝຸ່ນມິຕັກ, ໃນນັ້ນ, ມີ 4 ໝື່ນ 5 ພັນຄອບຄົວແລະ 2 ແສນຄົນໄດ້ຖືກສົ່ງໄປບ່ອນພັກຊົ່ວຄາວຂອງລັດຖະບານ, ປະຈຸບັນ, ຄອບຄົວເຫຼົ່ານີ້ສ່ວນຫຼາຍໄດ້ເມືອບ້ານແລ້ວ. ນອກນີ້, ຕາມສະຖິຕິຂອງຫຼາຍຂະແໜງການຕ່າງໆຂອງລັດຖະບານຟິລິບປິນ, ລົມໄຕ້ຟຸ່ນມິນາໄດ້ເຮັດໃຫ້ຟິລິບປິນມີການເສຍດ້ານເສດຖະກິດປະມານ 11 ລ້ານໂດລາ.
ຕາມບົດລາຍງານທີ່ຂະແໜງການອຸຕຸນິຍົມຟິລິບປິນປະກາດໃນ 11 ໂມງວັນທີ 28 ພະຈິກນີ້, ລົມໄຕ້ຟຸ່ນມິຕັກໄດ້ໜີອອກຈາກໜ້າທະເລພາກຕາເວັນອອກສຽງເໜືອຂອງຟິລິບປິນແລ້ວ.
|
|
|
