|
|
 |
| (GMT+08:00)
2007-11-29 18:36:34
|
 |
|
ຈີນຈະເຂົ້າຮ່ວມກອງປະຊຸມການປ່ຽນແປງຂອງດິນຟ້າອາກາດສະຫະປະຊາຊາດ
cri
ຕາມຂ່າວCRI: ວັນທີ 29 ພະຈິກນີ້, ໃນກອງປະຊຸມຂ່າວ, ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ, ຈີນໃຫ້ຄວາມສຳຄັນຫຼາຍນຳກອງປະຊຸມຂອງປະເທດສະມາຊິກຂອງສົນທິສັນຍາຂອບການປ່ຽນແປງຂອງດິນຟ້າອາກາດສະຫະປະຊາຊາດຄັ້ງທີ 13 ທີ່ຈະຈັດຂຶ້ນຢູ່ອິນໂດເນເຊຍ, ທ່ານເຊ້ຍເຈີ້ນຮວາ ຮອງປະທານຄະນະກຳມະການພັດທະນາແລະປະຕິຮູບແຫ່ງລັດຈີນຈະນຳພາຄະນະຜູ້ແທນລະດັບສູງໄປເຂົ້າຮ່ວມກອງປະຊຸມດັ່ງກ່າວ.
ທ່ານລິວຈ້ຽນຊ່າວກ່າວວ່າ, ຈີນມີຄວາມເຫັນມາໂດຍຕະຫຼອດວ່າສັນຍາຂອບການປ່ຽນແປງຂອງດິນຟ້າອາກາດສະຫະປະຊາດແລະອະນຸສັນຍາກຽວໂຕໄດ້ສ້າງພື້ນຖານດ້ານກົດໝາຍອັນດີງາມໃຫ້ແກ່ປະຊາຄົມໂລກຮັບມືກັບການປ່ຽນແປງຂອງດິນຟ້າອາກາດ, ຈີນສະໜັບສະໜູນໃຫ້ປະເທດຕ່າງໆບັນລຸຄວາມເຫັນທີ່ເຫັນເອກະສັນກັນໂດຍໄວກ່ຽວກັບການຮັບມືກັບການປ່ຽນແປງຂອງດິນຟ້າອາກາດພາຍຫຼັງປີ 2012 ພາຍໃນຂອບຂອງສົນທິສັນຍາແລະອະນຸສັນຍາດັ່ງກ່າວ.
ທ່ານລິວຈ້ຽນຊ່າວກ່າວວ່າ, ຈີນຈະພ້ອມກັບປະເທດທີ່ພວມພັດທະນາອື່ນໆ, ປະກອບສ່ວນຕາມຄວາມສາມາດເພື່ອຮັບມືກັບການປ່ຽນແປງຂອງດິນຟ້າອາກາດດ້ວຍການພັດທະນາແບບຍືນຍົງ.
|
|
|
