|
ຈີນຈະສະໜັບສະໜູນວຽກງານຂອງອົງການວາງແຜນສິ່ງແວດລ້ອມສະຫະປະຊາຊາດຢ່າງສະເໝີຕົ້ນສະເໝີປາຍ
cri
ຕາມຂ່າວ CRI: ຫວ່າງມໍ່ໆນີ້, ໃນເວລາພົບປະກັບທ່ານອາຊີມ ສເຕັນເນີ ຫົວໜ້າອົງການວາງແຜນສິ່ງແວດລ້ອມສະຫະປະຊາຊາດ ຫຼື UNEP ຢູ່ປັກກິ່ງ, ທ່ານໂຈ່ເຊີ່ງຊຽນ ຫົວໜ້າກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນກ່າວວ່າ, ຈີນຈະສະໜັບສະໜູນວຽກງານຂອງອົງການວາງແຜນສິ່ງແວດລ້ອມສະຫະປະຊາຊາດຢ່າງສະເໝີຕົ້ນສະເໝີປາຍ, ເປີດກວ້າງແລະລົງເລິກການຮ່ວມມືຢ່າງບໍ່ຢຸດຢັ້ງ, ແບ່ງປັນບົດຮຽນ, ແລະກ້າວໜ້າພ້ອມກັນ.
ທ່ານສເຕັນເນີເຕັມໄປດ້ວຍຄວາມໝັ້ນໃຈຕໍ່ອະນາຄົດແຫ່ງການຮ່ວມມືລະຫວ່າງຈີນກັບອົງການ UNEP. ທ່ານຫວັງໃຫ້ສອງຝ່າຍນຳໃຊ້ການພົວພັນຄູ່ຮ່ວມມືອັນສະໜິດແໜ້ນ, ດຳເນີນການຮ່ວມມືທີ່ມີປະສິດທິຜົນໃນຂົງເຂດຫຼາຍກວ່າເກົ່າ, ປະກອບສ່ວນຫຼາຍກວ່າເກົ່າເຂົ້າໃນການອະນຸລັກສິ່ງແວດລ້ອມທົ່ວໂລກ.
|
|
