ຄະນະກຳມະການສະຫະພາບເອີລົບກ່າວວ່າ, ການພົວພັນຄູ່ຮ່ວມມືຈີນເອີລົບພັດທະນາຢ່າງຮອບດ້ານ
cri
ຕາມຂ່າວສານຊິ່ນຮວາ: ວັນທີ 29 ພະຈິກນີ້, ຄະນະກຳມະການສະຫະພາບເອີລົບອອກຖະແຫຼງການ, ຕີລາຄາໃນລະດັບສູງຕໍ່ໝາກຜົນທີ່ໄດ້ຮັບຂອງການພົບປະຜູ້ນຳຈີນເອີລົບຄັ້ງທີ 10.
ຖະແຫຼງການສະບັບດັ່ງກ່າວທີ່ພາດຫົວເລື່ອງວ່າ: ກອງປະຊຸມສຸດຍອດຈີນເອີລົບ: ການພົວພັນຄູ່ຮ່ວມມືທີ່ພັດທະນາຢ່າງຮອບດ້ານ,ໄດ້ຂຽນວ່າ, ໃນ 10 ມານີ້, ຈີນກັບເອີລົບໄດ້ສ້າງການພົວພັນສະໜິດແໜ້ນໃນຫຼາຍຂົງເຂດ, ເຊັ່ນ: ການຄົ້ນຄວ້າວິທະຍາສາດ, ການສຶກສາ, ພະລັງງານ, ສິ່ງແວດລ້ອມ, ການຂົນສົ່ງແລະການທ່ອງທ່ຽວເປັນຕົ້ນ. ການພົບປະຜູ້ນຳຈີນເອີລົບຄັ້ງທີ 10 ໄດ້ທົບທວນຄືນການຮ່ວມມືທີ່ໄດ້ຮັບໝາກຜົນຢ່າງຫຼວງຫຼາຍລະຫວ່າງ 2 ຝ່າຍໃນ 10 ປີທີ່ຜ່ານມາ, ພ້ອມກັນນັ້ນ, ກໍ່ໄດ້ຫາລືບັນຫາທີ່ສອງຝ່າຍສົນໃຈຮ່ວມກັນໃນປະຈຸບັນ, ເຊັ່ນ: ການປ່ຽນແປງຂອງດິນຟ້າອາກາດ, ຄວາມປອດໄພດ້ານພະລັງງານແລະການພັດທະນາຂອງອາຝຼິກາເປັນຕົ້ນ.
ຖະແຫຼງການກ່າວເນັ້ນວ່າ, ເຖິງວ່າຈີນກັບເອີລົບຍັງມີຄວາມຂັດແຍ່ງກັນໃນຂົງເຂດຕ່າງໆ, ເຊັ່ນ: ການຂາດດຸນດ້ານການຄ້າ, ການອະນຸມັດເຂົ້າສູ່ຕະຫຼາດ, ການປົກປ້ອງສິດຊັບສິນທາງປັນຍາເປັນຕົ້ນ, ແຕ່ທ່ານໂຈສ ມານິວ ບາໂຣໂຊ ປະທານຄະນະກຳມະການສະຫະພາບເອີລົບກ່າວເນັ້ນວ່າ, ຕໍ່ໄປ, ສະຫະພາບເອີລົບຄວນພະຍາຍາມຕື່ມ, ເພື່ອໃຫ້ປະຊາຊົນເອີລົບບໍ່ຖືຈີນເປັນໄພຂົ່ມຂູ່.
|
|