ຕາມ​ຂ່າວ CRI: ວັນ​ທີ 30 ພະຈິກ​ແລ້ວ​ນີ້, ກອງ​ປະຊຸມ​ໃຫຍ່​ຂອງ​ສະພາກາ​ແດງ​ແລະ​ຊີກ​ເດືອນ​ແດງ​ສາກົນ​ທີ່​ຈັດ​ຂຶ້ນຢູ່​ທີ່​ເຊີ​ແນວ ​ໄດ້​ສິ້ນ​ສຸດ​ລົງ, ກອງ​ປະຊຸມ​​ຮຽກ​ຮ້ອງ​ໃຫ້​ທົ່ວ​ໂລກ​ພ້ອມ​ກັນ​ເຄື່ອນ​ໄຫວ, ຮັບ​ມື​ກັບ​ສິ່ງ​ທ້າ​ທາຍ​ສຳຄັນ​ໃນ​ຂົງ​ເຂດ​ມະ​ນຸດ​ສະ​ທຳ.

ຖະ​ແຫຼ​ງ​ການ​ຂອງກອງ​ປະຊຸມ​ຂຽນ​ວ່າ, ​ໂລກ​ພວມ​ປະ​ເຊີນ​ໜ້າ​ກັບ​ສິ່ງ​ທ້າ​ທາຍ​​ໃໝ່ດ້ານ​ມະນຸດສະທຳ. ບັນຫາ​ສາທາລະນະ​ສຸກ ​ເຊັ່ນ ສິ່ງ​ແວດ​ລ້ອມ​ຂີ້ຮ້າຍ​ແລະດິນ​ຟ້າ​ອາ​ກາດ​ປ່ຽນ​ແປງ ຊາວ​ຍົກຍ້າຍ​ສາກົນ ກຳລັງ​ຮຸນ​ແຮງ​ໃນ​ຕົວ​ເມືອງ ພະ​ຍາດ​ຕິດ​ແປດ​ແລະ​ພະ​ຍາດ​ຊະນິດ​ໃໝ່ ​ແມ່ນສິ່ງ​ທ້າ​ທາຍ​ສຳຄັນດ້ານ​ມະນຸດສະທຳ 4 ຢ່າງ​ ທີ່​ທົ່ວ​ໂລກ​ພວມ​ປະ​ເຊີນ​ໜ້າ. ລັດ​ຖະ​ບານ​ແລະ​ອົງການ​ຈັດຕັ້ງ​ໃດໆ​ອາ​ໄສ​ແຕ່​ກຳລັງ​ຂອງ​ຕົນ​ເອງ ຈະບໍ່​ສາ​ມາດ​ຮັບ​ມື​ກັບ​ສິ່ງ​ທ້າ​ທາຍ​ເຫຼົ່າ​ນີ້​ໄດ້, ການ​ຜ່ານ​ຜ່າ​ສິ່ງ​ທ້າ​ທາຍ​ເຫຼົ່ານີ້ ຕ້ອງການ​ທົ່ວ​ປະ​ຊາ​ຄົມ​ໂລກ​ເຂົ້າ​ຮ່ວມ.

​ໃນ​ພິທີ​ອັດ​ກອງ​ປະຊຸມ​ທີ່​ຈັດ​ຂຶ້ນ​ໃນ​ມື້​ດຽວ​ກັນ, ຍັງ​ໄດ້​ຮັບຮອງ​ເອົາ​ມະ​ຕິ​ສະ​ບັບ​ໜຶ່ງ​ທີ່​ຮຽກຮ້ອງ​ໃຫ້​ອົງການ​ມະນຸດສະທຳ​ຂອງ​ປາ​ເລັສຕິນ​ແລະ​ອິສຣາ​ແອນ​ເພີ່ມ​ທະ​ວີ​ການ​ຮ່ວມ​ມື.