ຕາມຂ່າວສານ​ຊິນ​ຮວາ: "ບົດ​ລາຍ​ງານປະ​ເມີນ​ການ​ປ້ອງ​ກັນ​ແລະ​ປິ່ນປົວ​ພະ​ຍາດ​ເອດ​ຂອງ​ຈີນ" ປະຈຳ​ປີ 2007 ທີ່​ປະກາດ​ຢູ່​ທີ່​ປັກ​ກິ່ງ​ໃນ​ຫວ່າງ​ບໍ່​ດົນ​ນີ້ ຊີ້​ອອກ​ວ່າ, ນັບ​ມາ​ຮອດ​ທ້າຍ​ເດືອນ​ຕຸລາ​ປີ​ນີ້, ນັບ​ລວມ​ແລ້ວ ຈີນ​ມີ 4 ໝື່ນ​ກວ່າ​ຄົນ​ໄດ້​ຮັບ​ການ​ປິ່ນ​ປົວ​ຕ້ານ​ໄວ​ຣັດ​ພະ​ຍາດ​ເອດ.

ຕາມ​ສະຖິຕິ, ນັບ​ມາ​ຮອດ​ທ້າຍ​ເດືອນ​ຕຸລາ​ປີ​ນີ້, ວຽກ​ງານ​ປ້ອງ​ກັນ​ແລະ​ປິ່ນ​ປົວ​ຕ້ານ​ໄວ​ຣັດ​ພະຍາດ​ເອດຂອງ​ຈີນ​ໄດ້​ກວມ​ເອົາ 31 ​ແຂວງ ​ເຂດ​ປົກຄອງ​ຕົນ​ເອງ​ແລະ​ກຳ​ແພງ​ນະ​ຄອນ, ຜູ້​ເປັນ​ພະຍາດ​​ເອດ​ທີ່​ອາຍຸ 15 ປີ​ຂຶ້ນ​ໄປມີ 3 ໝື່ນ 9000 ຄົນ ​ໄດ້​ຮັບ​ການ​ປິ່ນປົວ​ຕ້ານ​ໄວ​ຣັດ​ພະ​ຍາດ​ເອດ.

ນອກ​ນີ້, ນັບ​ແຕ່​ປີ 2005 ​ເປັນຕົ້ນມາ, ຈີນ​ໄດ້​ເລີ່​ມດຳ​ເນີນ​ການ​ປິ່ນປົວ​ຕ້ານ​ໄວຣັດ​ພະ​ຍາດ​ເອດ​ໃຫ້​ເດັກນ້ອຍ, ນັບ​ມາ​ຮອດ​ທ້າຍ​ເດືອນ​ຕຸລາ​ປີ​ນີ້, ເດັກນ້ອຍ​ເປັນ​ເອດທີ່​​ໄດ້​ຮັບ​ການ​ປິ່ນ​ປົວ​ມີ​ 805 ຄົນ.

"ບົດ​ລາຍ​ງານປະ​ເມີນ​ການ​ປ້ອງ​ກັນ​ແລະ​ປິ່ນປົວພະຍາດ​ເອດ​ຂອງ​ຈີນ" ປະ​ຈຳ​ປີ 2007 ​ແມ່ນ​ກະຊວງ​ສາທາລະນະ​ສຸກ​ຈີນ ອົງການ​ສະຫະ​ປະຊາ​ຊາດ​ຕ້ານ​ເອດ ​ແລະ​ອົງ​ການ​ອະນາ​ໄມ​ໂລກ​ຮ່ວມ​ກັນ​ເຮັດ​ອອກ​ມາ.