ຕາມ​ຂ່າວສານ​ຊິນ​ຮວາ: ວັນ​ທີ 2 ທັນ​ວາ​ນີ້, ຂ່າວສານ​ຊິນ​ຮວາ​ຂອງ​ຈີນ ​ໄດ້​ປະ​ກາດ​ບົດ​ຄວາມ​ຂຽນ​ວ່າ, ການ​ສ້າງສາ​ຊົນນະບົດ​ສັງຄົມ​ນິຍົມ​ແບບ​ໃໝ່​ແມ່ນ​ໜ້າ​ທີ່​ໜັກ​ໜາ​ທີ່​ມີ​ລັກ​ສະ​ນະ​ປະ​ຫວັດສາດ​ໃນ​ໄລຍະຍາວ​ນານ​, ຕ້ອງ​ເສີມ​ຂະຫຍາຍ​ບົດບາດ​ອັນຕົ້ນ​ຕໍ​ຂອງ​ຊວ​ກະ​ສິ​ກອນ​ນັບ​ເປັນຮ້ອຍລ້ານ​ຄົນ.

ບົດ​ຄວາມ​ຂຽນ​ວ່າ, ​ເມື່ອ​ໄດ້​ດຳ​ເນີນ​ການ​ປະຕິ​ຮູບ​ໄຂ​ປະຕູ​ສູ່​ພາຍ​ນອກ​ມາ​ເປັນ​ເວລາ 29 ປີ, ​ໂສມ​ໜ້າ​ຂອງຊົນນະບົດຈີນ​ໄດ້​ມີ​ການ​ປ່ຽນ​ແປງ​ຢ່າງ​ໃຫຍ່​ຫຼວງ. ການ​ສ້າງ​ສາ​ຊົນ​ນະ​ບົດສັງຄົມ​ນິຍົມ​ແບບ​ໃໝ່ ພາຍ​ໃຕ້​ເງື່ອນ​ໄຂ​ປະຫວັດສາດ​ໃໝ່, ລັດ​ຈະ​ຕ້ອງ​ຫາບ​ແບກ​ໜ້າ​ທີ່​ຮັບ​ຜິດ​ຊອບ​​ຫຼາຍ​ກວ່າ​ເກົ່າ​ໃນ​ການ​ກໍ່ສ້າງ. ຍັງ​ຕ້ອງ​ຂົນຂວາຍ​ມວນ​ຊົນ​ໃນ​ທົ່ວ​ສັງ​ຄົມ, ຊ່ວຍ​ເຫຼືອ​ຊົນນະບົດ, ​ເຮັດ​ໃຫ້ການ​ສ້າງສາ​ຊົນນະບົດ​​ແບບໃໝ່​ກາຍ​ເປັນ​ການ​ກະ​ທຳ​ຮ່ວມ​ຂອງ​ປະ​ຊາ​ຊົນ​ທົ່ວ​ປະ​ເທດຈີນ.