ຕາມ​ຂ່າວສານ​ຊິນ​ຮວາ: ນັກ​ຂ່າວ​ໄດ້​ຊາບ​ຈາກ​ເວທີ​ປຶກສາ​ຫາລື​ກ່ຽວ​ກັບ​ການ​ຜະ​ລິດ​ເກີບ​ສາກົນ​ຄັ້ງປະຖົມມະ​ເລີກ ທີ່​ອັດ​ລົງຢູ່​ເມືອງ​ຕົ່ງ​ກວນ​ແຂວງ​ກວາງ​ຕຸ້ງ​ຈີນ​ວ່າ, ​ໃນ​ປີ 2006, ວິ​ສາ​ຫະກິດ​ຜະລິດ​ເກີບ​ຂອງ​ຈີນ​ໄດ້​ຜະລິດ​ເກີບ​ລື່ນ 10 ຕື້​ຄູ່, ກວມ​ປະ​ລິ​ມານ​ການ​ຜະ​ລິດ​ເກີບ​ຂອງ​ໂລກ​ໃນ​ປີ 2006 68%.

ທ່ານ​ຈ່າງ​ຮວາ​ຢົງ ປະທານ​ສະມາຄົມ​ອຸດສາຫະກຳເກີບ​ອາຊີກ່າວ​ວ່າ, ປັດຈຸບັນ, ວິ​ສາ​ຫະ​ກິດ​ຜະລິດ​ເກີບ​ຂອງ​ຈີນ​ພວມ​ປະ​ເຊີນ​ໜ້າ​ຈາກ "ຜະລິດ​ທີ່​ຈີນ" ຫັນ​ໄປ​ສູ່ "ປະ​ດິດ​ສ້າງ​ທີ່​ຈີນ". ການ​ທີ່ກ້າວ​ໄປ​ສູ່​ການຄົ້ນຄວ້າອອກ​ແບບ​ເອົາ​ເອງ, ສ້າງ​ຍີ່​ຫໍ້ທີ່​ຊື່​ດັງ​ລະ​ດັບ​ໂລກ, ​ແມ່ນ​ເສັ້ນທາງ​ທີ່​ຕ້ອງ​ເດີນ​ຜ່ານ​ຂອງ​ອຸດສາຫະກຳ​ເກີບ​ຂອງ​ຈີນ​ໃນ​ການ​ກ້າວ​ໄປ​ສູ່​ເສັ້ນ​ທາງ​ພັດ​ທະນາ​ແບບ​ຍືນ​ຍົງ.

​ໃນ​ຊຸມ​ປີ 1970, ​ແຫຼ່ງຜະລິດ​ເກີບ​ຂອງ​ໂລກ​ໄດ້​ຈາກ​ປະ​ເທດ​ທີ່​ພັດ​ທະນາ​ແລ້ວ ຄື ປະ​ເທດ​ເອີ​ລົບ​ແລະ​ອາ​ເມ​ລິ​ກາ ຍ້າຍ​ໄປ​ສູ່​ປະ​ເທດ​ແລະ​ເຂດ​ແຄວ້ນ​ໃນ​ອາຊີ ​ເຊັ່ນ ຍີ່ປຸ່ນ ສ.​ເກົາຫຼີ​ແລະ​ຮົງ​ກົງ, ພາຍຫຼັງ​ມາ​ກໍ​ຍ້າຍໄປ​ສູ່​ແຜ່ນດິນ​ໃຫຍ່​ຈີນ ອິນ​ໂດ​ເນ​ເຊຍ ຫວຽດ​ນາມ​ແລະ​ອິນ​ເດຍ​ເປັນ​ກ້າວໆ.