|
|
 |
| (GMT+08:00)
2007-12-03 15:30:20
|
 |
|
ນາຍົກໄທພົບປະທ່ານຊາວກ່າງຊວນ
cri
ຕາມຂ່າວ cri:ວັນທີ 3 ທັນວານີ້,ຢູ່ບາງກອກ,ທ່ານສຸລະຍຸດ ຈູລານົນ ນາຍົກລັດຖະມົນຕີໄທໄດ້ພົບປະພົນເອກຊາວກ່າງຊວນ ຮອງປະທານຄະນະກຳມະການການທະຫານສູນກາງຈີນ ທີ່ປຶກສາແຫ່ງລັດ ທັງເປັນລັດຖະມົນຕີວ່າການກະຊວງປ້ອງກັນປະເທດຈີນທີ່ໄປເຂົ້າຮ່ວມງານສະຫລອງວັນພະຊົນພັນສາຂອງເຈົ້າຊີວິດໄທແລະພິທີສວນສະຫນາມຢູ່ໄທ.
ທ່ານສຸລະຍຸດກ່າວວ່າ, ການຂະຫຍາຍການພົວພັນຮ່ວມມືຍຸດທະສາດ ລະຫວ່າງໄທກັບຈີນແມ່ນນະໂຍບາຍທີ່ຫມັ້ນຫນຽວບໍ່ປ່ຽນແປງຂອງລັດຖະ ບານໄທ,ລັດຖະບານແລະປະຊາຊົນໄທສຸດທີ່ຖະຫນຸຖະຫນອມການສະຫນັບສະຫນູນໄທຂອງຈີນ,ຫວັງເພີ່ມທະວີການໄປມາຫາສູ່ກັນລະຫວ່າງສອງຝ່າຍໃນທຸກລະດັບ,ລົງເລິກການຮ່ວມມືກັນໃນທຸກຂົງເຂດ.
ທ່ານຊາວກ່າງຊວນໄດ້ຝາກຄວາມເຄົາລົບນັບຖືຢ່າງສູງແລະຄວາມອວຍພອນຢ່າງຈິງໃຈຂອງລັດຖະບານ ປະຊາຊົນແລະກອງທັບຈີນທີ່ມີຕໍ່ເຈົ້າຊີວິດໄທ.ທ່ານຊາວກ່າງຊວນກ່າວວ່າ, ຝ່າຍຈີນຍິນດີພ້ອມກັບໄທເພີ່ມທະວີການຮ່ວມມືກັນ, ພ້ອມກັນຊຸກຍູ້ມິດຕະພາບແລະການພົວພັນຮ່ວມມືກັນລະຫວ່າງຈີນໄທໃຫ້ຂະຫຍາຍກ້າວສູ່ລວງເລິກຢ່າງບໍ່ຢຸດຢັ້ງ.
|
|
|
