|
|
 |
| (GMT+08:00)
2007-12-03 15:32:21
|
 |
|
ການສົນທະນາລະດັບສູງດ້ານເສດຖະກິດລະຫວ່າງຈີນຍີ່ປຸ່ນຄັ້ງທີສອງຈະຈັດຂຶ້ນຢູ່ໂຕກຽວກ່ອນທ້າຍປີ 2008
cri
ຕາມຂ່າວສານຊີນຮວາ:ປະກາດແຈ້ງຂ່າວກ່ຽວກັບການສົນທະນາລະດັບສູງດ້ານເສດຖະກິດລະຫວ່າງຈີນຍີ່ປຸ່ນຄັ້ງທຳອິດທີ່ປະກາດໃນວັນທີ 3 ທັນວານີ້ເຜີຍໃຫ້ຮູ້ວ່າ, ຈີນແລະຍີ່ປຸ່ນເປັນເອກະສັນກັນເຫັນດີໃຫ້ຈັດການສົນທະນາລະດັບສູງດ້ານເສດຖະກິດລະຫວ່າງຈີນຍີ່ປຸ່ນຄັ້ງທີສອງຢູ່ໂຕກຽວກ່ອນທ້າຍປີ 2008.
ປະກາດແຈ້ງຂ່າວດັ່ງກ່າວໄດ້ຕີລາຄາຢ່າງຕັ້ງຫນ້າຕໍ່ການສົນທະນາລະດັບສູງດ້ານເສດຖະກິດລະຫວ່າງຈີນຍີ່ປຸ່ນຄັ້ງທຳອິດທີ່ຈັດຂຶ້ນຢູ່ປັກກິ່ງໃນວັນທີ 1 ທັນວານີ້,ໂດຍກ່າວວ່າ, ຍ້ອນເສດຖະກິດຈີນຍີ່ປຸ່ນນັບມື້ນັບອີງອາໃສນຳກັນແລະເສດຖະກິດສອງປະເທດມີຄວາມສຳຄັນໃນເສດຖະກິດອາຊີແລະຂອງໂລກ,ສະນັ້ນ, ໃນການສົນທະນາ,ສອງຝ່າຍໄດ້ແລກປ່ຽນຄວາມເຫັນຢ່າງກົງໄປກົງມາກ່ຽວກັບບັນຫາຕ່າງໆເຊັ່ນ ບັນຫາເສດຖະກິດມະຫາພາກກັບການລົງທຶນຄ້າການຂອງສອງປະເທດ ບັນຫາສິ່ງແວດລ້ອມແລະພະລັງງານເຊັ່ນການປ່ຽນແປງຂອງດິນຟ້າອາກາດ ບັນຫາເສດຖະກິດພາກພື້ນກໍ່ຄືຂອງໂລກ ແລະບັນຫາອື່ນໆ,ໄດ້ເພີ່ມຄວາມເຂົ້າໃຈກັນຫລາຍຂຶ້ນ.
ປະກາດແຈ້ງຂ່າວກ່າວ, ສອງຝ່າຍຮັບຮູ້ນຳກັນວ່າເສດຖະກິດລະຫວ່າງຈີນກັບຍີ່ປຸ່ນເປັນການພົວພັນທີ່ຕ່າງຝ່າຍຕ່າງໄດ້ຮັບຜົນປະໂຫຍດ.
|
|
|
