ຕາມ​ຂ່າວສານ​ຊິນ​ຮວາ: ​ເສດຖະກິດ​ເຂດ​ຕິ​ເບ​ດຈີນ ​ໄດ້​ຮັກສາການ​ເຕີບ​ໂຕ​ຢູ່​ໃນ​ລະ​ດັບ 12% ຂຶ້ນ​ໄປ​ 7 ປີ​ລຽນຕິດ. ຄາດ​ວ່າຍອດມູນ​ຄ່າ​ການ​ຜະລິດຂອງ​ເຂດ​ຕິ​ເບ​ດ​ໃນ​ປີ 2007 ນີ້ ຈະ​ບັນ​ລຸ 34 ຕື້ 200 ລ້ານ​ຢວນ, ຈັງຫວະການ​ເຕີບ​ໂຕ​ມີ​ເກືອບ 14%, ​​ເພີ່ມ​ຂຶ້ນ​ຫຼາຍ​ກວ່າ​ທຸກ​ປີໃນ 11 ປີ​ຜ່ານມາ.

ແຕ່​ປີ 2003 ​ເປັນຕົ້ນມາ ລາຍ​ໄດ້​ສຸດທິ​ສະ​ເລ່ຍຕໍ່​ຫົວ​ຄົນ​ຂອງ​ຊາວ​ລ້ຽງ​ສັດ​​ແລະ​ຊາວ​ກະສິກອນເຂດ​ຕິ​ເບ​ດ​​ໄດ້​ເພີ່ມ​ຂຶ້ນ 10% ຂຶ້ນ​ໄປ​ຢ່າງ​ຕໍ່​ເນື່ອງ, ສ່ວນ​ໃນ​ປີ​ນີ້, ຄາດ​ວ່າ ລາຍ​ໄດ້​ດັ່ງກ່າວຈ​ະເພີ່ມ​ຂຶ້ນ 14% ​ເມື່ອ​ທຽບ​ກັບ​ປີ​ກາຍ.

​ເມື່ອ​ໄດ້​ພະຍາຍາມ​ມາ​ເປັນ​ເວລາ 50 ກວ່າ​ປີ, ການ​ປັບປຸງ​ຊີວິດ​ການ​ເປັນ​ຢູ່​ຂອງ​ປະ​ຊາ​ຊົນ​ເຂດ​ຕິ​ເບ​ດ​ໄດ້​ຮັບ​ໝາກຜົນ​ຢ່າງ​ໃຫຍ່​ຫຼວງ. ​ໃນ​ດ້ານ​ການ​ສຶກສາ ​ການ​ປິ່ນ​ປົວ ​ແລະ​ດ້ານ​ອື່ນໆ, ປະຊາຊົນ​ເຂດ​ຕິ​ເບ​ດ​ໄດ້​ຮັບ​ຄວາມ​ເອົາ​ໃຈ​ໃສ່​​ໂດຍ​ຖື​ການ "ບໍ່​ຕ້ອງ​ເສຍ​ຄ່າ" ​ເປັນ​ພື້ນຖານ.