|
|
 |
| (GMT+08:00)
2007-12-04 13:33:44
|
 |
|
ມາເລເຊຍກ່າວວ່າ ກົນໄກຮ່ວມມື"ອາຊຽນບວກ 3"ເຮັດໃຫ້ອາຊຽນເຂັ້ມແຂງຂຶ້ນ
cri
ຕາມຂ່າວສານຊີນຮວາ:ວັນທີ 3 ທັນວານີ້,ຢູ່ກົວລາລຳເປີ,ທ່ານອັບດຸນລາ ອາເມັດ ບາດາວີ ນາຍົກລັດຖະມົນຕີມາເລເຊຍຊີ້ອອກວ່າ,ກົນໄກຮ່ວມມື"ອາຊຽນບວກ 3"ຄືອາຊຽນກັບຈີນ ຍີ່ປຸ່ນແລະສ.ເກົາຫຼີເຮັດໃຫ້ອາຊຽນໄດ້ເຂັ້ນແຂງຂຶ້ນ,ແຕ່ບໍ່ແມ່ນຖືກປັ່ນທອນ.
ມື້ດຽວກັນ,ທ່ານບາດາວີໄດ້ກ່າວຄຳປາໄສໃນກອງປະຊຸມອາຊີຕາເວັນອອກຄັ້ງທີ 5 ທີ່ຈັດຂຶ້ນຢູ່ກົວລາລຳເປີວ່າ,ກົນໄກ"ອາຊຽນບວກ 3"ບໍ່ພຽງແຕ່ແມ່ນບັນຫາການຮ່ວມມືເທົ່ານັ້ນ,ມັນຍັງພົວພັນເຖິງການສ້າງປະຊາຄົມອາຊີຕາເວັນອອກໃນອະນາຄົດ,ກົນໄກ"ອາຊຽນບວກ 3"ຈະເປັນກຳລັງຊຸກຍູ້ອັນສຳຄັນໃນການສ້າງປະຊາຄົມອາຊີຕາເວັນອອກໃນອະນາຄົດ.ແຕ່ພ້ອມກັນນັ້ນ,ທ່ານບາດາວີກ່າວເນັ້ນວ່າ,ອາຊີຕາເວັນອອກມີດິນແດນກວ້າງຂວາງ,ໃນດ້ານວັດທະນະທຳສັງຄົມກໍ່ຫຼາກຫຼາຍ,ການສ້າງປະຊາຄົມອາຊີຕາເວັນອອກຈຶ່ງຕ້ອງການເວລາຫຼາຍ.
ກອງປະຊຸມອາຊີຕາເວັນອອກຄັ້ງນີ້ຈະດຳເນີນເປັນເວລາ 2 ວັນ,ແມ່ນສະຖາບັນຄົ້ນຄວ້າຍຸດທະສາດສາກົນມາເລເຊຍເປັນເຈົ້າພາບ.ຜູ້ຊ່ຽວຊານ ນັກວິຊາການແລະຜູ້ແທນອື່ນໆລວມ 200 ກວ່າຄົນທີ່ມາຈາກພາກພື້ນອາຊີຕາເວັນອອກໄດ້ເຂົ້າຮ່ວມກອງປະຊຸມຄັ້ງນີ້.
|
|
|
