|
|
 |
| (GMT+08:00)
2007-12-05 15:36:00
|
 |
|
ໄທສະເຫລີມສະຫລອງວັນພະຊົນພັນສາຂອງເຈົ້າຊີວິດຄົບຮອບ 80 ວັດສາ
cri
ຕາມຂ່າວ cri:ວັນທີ 5 ທັນວານີ້ແມ່ນວັນພະຊົນພັນສາຂອງສົມເດັດພູມິພົນ ອະດຸນຍະເດດ ເຈົ້າຊີວິດໄທຄົບຮອບ 80 ພັນສາ.ໄທໄດ້ຈັດກິດຈະກຳຕ່າງໆສະເຫລີມສະຫລອງຢ່າງຄຶກຄື້ນ.
ຕອນເຊົ້າມື້ດຽວກັນ,ສົມເດັດພູມິພົນອະດຸນຍະເດດຊົງໄດ້ສະເດັດຈາກພະລາຊະວັງຈິດລັດດາລະໂຫຖານໄປສູ່ພະບໍລົມມະຫາລາຊະວັງ,ເພື່ອໃຫ້ມວນຊົນຖວາຍພະພອນ.ປະຊາຊົນໄທຫລາຍຫມື່ນຄົນທີ່ມາຈາກແຫ່ງຕ່າງໆທົ່ວປະເທດໄດ້ນຸ່ງເສື້ອສີເຫລືອງ,ຖືທຸງຊາດແລະທຸງພະບໍລົມມະວົງສານຸວົງ,ເຕົ້າໂຮມກັນຢູ່ບ່ອນທີ່ຂະບວນລົດຂອງເຈົ້າຊີວິດຈະເດີນຜ່ານ,ແລະຮ້ອງຄຳຂວັນເພື່ອຖວາຍຍພອນວັນພະຊົນພັນສາຂອງເຈົ້າຊີວິດ.
ພະບາດສົມເດັດພູມິອະດຸນຍະເດດພົນຊົງພະກະແສດຳລັດ,ເນັ້ນເຖີງຄວາມສຳຄັນແຫ່ງຄວາມສາມັກຄີຂອງຊາດ.ສົມເດັດຊົງກ່າວວ່າ, ຖ້າຫມົດທຸກຄົນສາມາດຖືຄວາມສາມັກຄີເປັນສິ່ງສຳຄັນ, ກໍ່ຈະສາມາດນຳເອົາຜົນປະໂຫຍດແລະຄວາມສຸກມາໃຫ້ຕົນເອງແລະໃຫ້ປະເທດຊາດໄດ້,ໄທກໍ່ສາມາດຮັກສາຄວາມເປັນປົກກະຕິແລະຄວາມຫມັ້ນຄົງ.
ພະບໍລົມມະວົງສານຸວົງແລະສະມາຊິກລັດຖະບານໄທເຊັ່ນສະເດັດເຈົ້າຟ້າມະຫາວະຊິຣາລົງກອນ ອົງມົງກຸດລາຊະກຸມານ ແລະທ່ານນາຍົກລັດຖະມົນຕີສຸລະຍຸດ ຈຸລານົນໄດ້ເຂົ້າຮ່ວມກິດຈະກຳສະເຫລີມສະຫລອງ.
|
|
|
