|
ຕາມຂ່າວ CRI: ວັນທີ 5 ທັນວານີ້ ຢູ່ທີ່ລອນດອນ, ທ່ານຢາງເຈສຶ ລັດຖະມົນຕີວ່າການກະຊວງການຕ່າງປະເທດຈີນທີ່ພວມຢ້ຽມຢາມຢູ່ອັງກິດ ໄດ້ເຈລະຈາກັບທ່ານເດວິດ ມີລີເບນດ໌ ລັດຖະມົນຕີວ່າການກະຊວງການຕ່າງປະເທດອັງກິດ.
ທ່ານຢາງເຈສຶກ່າວວ່າ, ຈີນອັງກິດເພີ່ມທະວີການຮ່ວມມືສອດຄ່ອງກັບຜົນປະໂຫຍດພື້ນຖານຂອງປະຊາຊົນທັງສອງປະເທດ, ແລະກໍມີຜົນດີຕໍ່ການປົກປັກຮັກສາສັນຕິພາບແລະສະຖຽນລະພາບຂອງໂລກ. ທ່ານສະແດງຄວາມເພິ່ງພໍໃຈຕໍ່ທ່າອ່ຽງຂະຫຍາຍຕົວອັນດີງາມຂອງການພົວພັນລະຫວ່າງຈີນອັງກິດ.
ທ່ານມີລີເບນດ໌ກ່າວວ່າ, ຈີນພັດທະນາຢ່າງວ່ອງໄວ, ອັງກິດໃນຖານະເປັນຄູ່ຮ່ວມມືຂອງຈີນ, ຈະສືບຕໍ່ອອກແຮງເຮັດໃຫ້ການພົວພັນລະຫວ່າງສອງປະເທດກ້າງສູ່ລວງເລິກ.
ຫຼັງການເຈລະຈາ, ທ່ານຢາງເຈສຶແລະທ່ານມີລີເບນດ໌ໄດ້ຮ່ວມກັນໃຫ້ສຳພາດຕໍ່ນັກຂ່າວ. ທ່ານມີລີເບນດ໌ຊີ້ອອກວ່າ, ອັງກິດຍຶດໝັ້ນນະໂຍບາຍຈີນດຽວ, ບໍ່ສະໜັບສະໜູນເຈົ້າໜ້າທີ່ໄຕ້ຫວັນດຳເນີນ "ການຢັ່ງປະຊາມະຕິເພື່ອເຂົ້າເປັນສະມາຊິກອົງການສະຫະປະຊາຊາດ", ບໍ່ເຫັນດີນຳການກະທຳທີ່ບໍ່ສະຕິສຳປະຊັນຍະ.
|
