ຕາມ​ຂ່າວສານ​ຊິນ​ຮວາ:ອີງ​ຕາມ​ສະຖິຕິ​ຫຼ້າສຸດ​ທີ່​ສະມາຄົມ​ອຸດສາຫະກຳ​ລົດຍົນ​ຂອງ​ຈີນ​ປະກາດ​ໃນ​ວັນ​ທີ7​ທັນວາ​ນີ້,​ໃນ11​ເດືອນ​ທຳ​ອິດ​ປີ​ນີ້,ປະລິມານ​ຈຳ​ໜ່າຍລົດຍົນ​ຂອງ​ຈີນ​ໄດ້​ບັນ​ລຸ​4​ລ້ານ​2​ແສນ​ກວ່າ​ຄັນ ​ເຊິ່ງ​ໄດ້​ສ້າງ​ສະຖິຕິ,​ຫຼາຍກວ່າ​ເວລາ​ດຽວ​ກັນ​ຂອງ​ປີ​ກາຍ​24%.

ສະຖິຕິ​ສະ​ແດງ​ໃຫ້​ເຫັນ​ວ່າ,​ໃນ11​ເດືອນທຳ​ອິດ​ປີ​ນີ້,ປະລິມານ​ຈຳໜ່າຍ​ລົດຍົນ​ຍີ່​ຫໍ້​ຂອງ​ຈີນ​ເອງ​ກວມ​ຍອດ​ປະລິມາ​ນຈຳໜ່າຍ​ລົດຍົນ​27%.

ຜູ້​ຊ່ຽວຊານຊີ້​ອອກ​ວ່າ,ຄຽງ​ຄູ່​ກັບຕົ້ນທຶນ​ການ​ຄຸ້ມຄອງ​ພາຍ​ໃນ​ວິ​ສາ​ຫະກິດ​ລົດຍົນ​ຈີນ​ຫຼຸດ​ໜ້ອຍ​ລົງ​ແລະ​ຂະໜາດ​ການ​ຜະລິດ​ເປີດ​ກວ້າງ​ອອກ​ຢ່າງ​ບໍ່​ຢຸດ​ຢັ້ງ,ລາຄາ​ລົດຍົນ​ຂອງ​ຈີນ​ຍັງ​ມີ​ຄວາມ​ອາດ​ສາ​ມາດ​ທີ່​ຈະ​ຫຼຸດ​ລົງ​ໃນ​ຕໍ່​ໜ້າ.​ພ້ອມ​ກັນ​ນັ້ນ,​ລາຍ​ໄດ້​ຂອງ​ປະ​ຊາ​ຊົນ​ຈີນ​ໄດ້​ຍົກ​ສູງ​ຂຶ້ນ​ຢ່າງ​ບໍ່​ຢຸດ​ຢັ້ງ,​ເຊິ່ງ​ໄດ້​ສ້າງ​ເງື່ອນ​ໄຂ​ໃຫ້​ຄອບ​ຄົວ​ຈຳ​ນວນ​ຫຼວງ​ຫຼາຍ​ຊື້​ລົດ​ຍົນ.​ຈີນ​ຈະ​ເຂົ້າ​ສູ່​ໄລ​ຍະ​ເຜີຍ​ແຜ່​ລົດ​ຍົນ​ຢ່າງ​ຂະ​ໜາດ​ໃຫຍ່​ໃນ​ຫຼາຍ​ປີ​ຂ້າງ​ໜ້າ.