|
|
 |
| (GMT+08:00)
2007-12-09 18:58:29
|
 |
|
ນາຍົກລັດຖະມົນຕີມາເລເຊຍພົບປະທ່ານຢາງເຈຊື
cri
Author: shuo
ຕາມຂ່າວສານຊິນຮວາ:ວັນທີ8ທັນວານີ້,ຢູ່ນະຄອນຫຼວງກົວລາລຳເປີ,ທ່ານອາບດູນລາ ຮາຈີ ອາມາດ ບາດາວີ ນາຍົກລັດຖະມົນຕີມາເລເຊຍໄດ້ພົບປະທ່ານຢາງເຈຊື ລັດຖະມົນຕີວ່າການກະຊວງການຕ່າງປະເທດຈີນ.
ທ່ານບາດາວີກ່າວວ່າ,ສອງປະເທດໄດ້ຮັບໝາກຜົນຢ່າງເດັ່ນຊັດໃນການຮ່ວມມືໃນທຸກຂົງເຂດ.ມາເລເຊຍຖະໜຸຖະໜອມການພົວພັນຍຸດທະສາດກັບຈີນ,ຍຶດໝັ້ນປະຕິບັດນະໂຍບາຍປະເທດຈີນດຽວ,ສະໜັບສະໜູນຫຼັກໝັ້ນຂອງຈີນໃນບັນຫາໄຕ້ຫວັນ.ທ່ານບາດາວີຍັງກ່າວວ່າ,ຈີນແມ່ນເພື່ອນມິດແລະຄູ່ຂາຂອງອາຊຽນ,ມາເລເຊຍຍິນດີຕ້ອນຮັບຈີນເຂົ້າຮ່ວມຂະບວນການເຊື່ອມໂຍງເຂົ້າກັນຂອງອາຊຽນ,ເພີ່ມທະວີການຮ່ວມມືລະຫວ່າງອາຊຽນກັບຈີນໃນທຸກຂົງເຂດ.
ທ່ານຢາງເຈຊືກ່າວວ່າ,ຫຼາຍປີມານີ້,ການພົວພັນລັກສະນະຍຸດທະສາດຢ່າງຮອບດ້ານລະຫວ່າງຈີນກັບມາເລເຊຍໄດ້ຮັບຄວາມຄືບໜ້າສຳຄັນ,ຈີນຍິນດີພ້ອມກັບມາເລເຊຍ,ຮັກສາການໄປມາຫາສູ່ກັນລະຫວ່າງຜູ້ນຳຂັ້ນສູງຂອງສອງປະເທດ,ເລັ່ງລັດວາງແຜນການດຳເນີນງານຂອງການຮ່ວມມມືລັກສະນະຍຸດທະສາດ,ຮັກສາການປະສານສົມທົບເປັນຢ່າງດີໃນວຽກງານສາກົນແລະພາກພື້ນ,ຊຸກຍູ້ໃຫ້ການພົວພັນສອງປະເທດລົງສູ່ລວງເລິກ.
ຫຼັງຈາກນັ້ນ,ທ່ານຢາງເຈຊືໄດ້ເຈລະຈາກັບທ່ານຊາອິດ ຮາມິດ ອານບາ ລັດຖະມົນຕີວ່າການກະຊວງການຕ່າງປະເທດມາເລເຊຍ.
|
|
|
