|
ຈີນສົ່ງເສີມໃຫ້ວິສາຫະກິດໃຫຍ່ໃຊ້ຊອັຟແວທີ່ມີລິຂະສິດໄດ້ຮັບປະສິດທິຜົນຢ່າງເດັ່ນຊັດ
cri
Author: cai
ຕາມຂ່າວCRI:ວັນທີ 10 ທັນວານີ້,ຢູ່ປັກກິ່ງ,ທ່ານຫຼີວປີ່ນເຈຍ ຫົວໜ້າກົມລິຂະສິດແຫ່ງຊາດຈີນກ່າວວ່າ,ປະຈຸບັນ,ໃນທົ່ວປະເທດຈີນ,ມີວິສາຫະກິດໃຫຍ່ເກືອບ 1500 ແຫ່ງໄດ້ເລີ່ມໃຊ້ຊອັຟແວທີ່ມີລິຂະສິດ.
ຈີນເລີ່ມສົ່ງເສີມໃຫ້ວິສາຫະກິດໃຊ້ຊອັຟແວທີ່ມີລິຂະສິດຢ່າງຮອບດ້ານນັບແຕ່ປີ 2006 ເປັນຕົ້ນມາ.ກ່ອນໜ້ານີ້,ນັບແຕ່ປີ 2001 ເປັນຕົ້ນມາ,ຈີນໄດ້ໃຊ້ເວລາບໍ່ຮອດ 3 ປີສຳເລັດວຽກງານໃຫ້ລັດຖະບານກາງ ອຳນາດການປົກຄອງຂັ້ນແຂວງແລະຂັ້ນເມືອງໃຊ້ຊອັຟແວທີ່ມີລິຂະສິດ.
ທ່ານຫຼີວປີ່ນເຈຍຍັງບອກວ່າ,ປີ 2006 ແລະປີ 2007,ຈີນໄດ້ສຸມກຳລັງໂຈມຕີການຕິດຕັ້ງຊອັຟແວໃສ່ຄອມພີວເຕີຢ່າງຜິດກົດໝາຍໂດຍຈຳເພາະພາຍໃນຂອບເຂດທົ່ວປະເທດຢ່າງລຽນຕິດ,ໄດ້ສ້າງສະພາບແວດລ້ອມຕະຫຼາດພາຍນອກອັນດີງາມໃຫ້ການພັດທະນາຂະແໜງການຊອັຟແວຢ່າງປອດໄສແລະວຽກງານສົ່ງເສີມການນຳໃຊ້ຊອັຟແວທີ່ມີລິຂະສິດ.
|
|
