ຕາມ​ຂ່າວສານ​ຊິນ​ຮວາ: ວັນ​ທີ 9 ທັນວາ​ນີ້ ກົມ​ຄຸ້ມ​ຄອງ​ເງິນຕາ​ຕ່າງປະ​ເທດ​ແຫ່ງ​ຊາດ​ຈີນ​ປະກາດ​ວ່າ, ​ເພື່ອ​ຍົກ​ລະດັບ​ເປີດ​ປະຕູ​ສູ່​ພາຍ​ນອກ​ຂອງ​ຕະຫຼາດ​ທຶນ​ຈີນ​ໃຫ້​ສູງ​ຂຶ້ນ​ຕື່ມ​ອີກ, ​ໂຄ​ຕາ​ລົງທຶນ​ຢູ່​ຈີນ​ຂອງອົງການ​ຕ່າງປະ​ເທດ​​ທີ່​ໄດ້​ຕາມ​ມາດຕະຖານ ຫຼື QFII ຈະ​ເພີ່ມ​ຂຶ້ນຮອດ 30 ຕື້​ໂດ​ລາ​ສະຫະລັດ.

​ໃນ​ເວລາ​ຈີນ​ດຳ​ເນີນ​ການ​ທົດ​ລອງ QFII ​ເມື່ອ​ປີ 2002 ​ໄດ້​ປະກາດ​ວ່າ, ນັບ​ລວມ​ແລ້ວ ​​ເພດານ​ການລົງທຶນ​ລວມ​ແມ່ນ 4 ຕື້​ໂດ​ລາ​ສະຫະລັດ. ​ເມື່ອ​ວັນ​ທີ 11 ກໍລະກົດ​ປີ 2005, ​ເພ​ດານ​ການ​ລົງທຶນ​ໄດ້ເພີ່ມ​ຂຶ້ນຮອດ 6 ຕື້​ໂດ​ລາ​ສະຫະລັດ. ​ເທື່ອ​ນີ້​ແມ່ນເທື່ອ​ທີ​ສອງທີ່​ເພີ່ມ​ໂຄ​ຕາ​ການ​ລົງ​ທຶນ​ຂອງ QFII.

ຕາມ​ຕົວ​ເລກ​ຂອງ​ກົມ​ຄຸ້ມ​ຄອງ​ເງິນຕາ​ຕ່າງປະ​ເທດ​ແຫ່ງ​ຊາດ​ຈີນ, ມູນ​ຄ່າ​ຂອງ QFII 49 ​ແຫ່ງ​ໃນ​ຕະຫຼາດ​ຫຼັກ​ຊັບ​ຂອງຈີນມີ​ເຖິງ​ເກືອບ 200 ຕື້ຢວນ, ​ໄດ້​ກາຍ​ເປັນ​ອົງການ​ລົງ​ທຶນ​ທີ່​ສຳຄັນ​ຢູ່ຕະຫຼາດ​ທຶນ​ຂອງ​ຈີນ.