|
ຕາມຂ່າວ CRI: ວັນທີ 9 ທັນວານີ້, ທ່ານຊາລາຮ໌ດິນ ບາເຊີ ລັດຖະມົນຕີວ່າການກະຊວງການຕ່າງປະເທດຊອກດານີ ແລະທ່ານວາລິດ ອານ ໂມນາເລມ ລັດຖະມົນຕີວ່າການກະຊວງການຕ່າງປະເທດຊີເລຍທີ່ມາຢ້ຽມຢາມໄດ້ຮ່ວມກັນກ່າວເນັ້ນວ່າ, ຄວນແກ້ໄຂການປະທະກັນລະຫວ່າງປະເທດອາລາບກັບອິສຣາແອນຢ່າງທ່ຽງທຳແລະຮອບດ້ານ ບົນພື້ນຖານຂອງຂໍ້ລິເລີ່ມສັນຕິພາບອາລາບ ແລະມະຕິສາກົນທີ່ກ່ຽວຂ້ອງທີ່ຮັບປະກັນກູ້ເອົາດິນແດນປາເລັສຕິນ ຊີເລຍແລະລີບັງ ທີ່ຖືກອິສຣາແອນຍຶດຄອງນັ້ນຄືນທັງໝົດ.
ອີງຕາມຖະແຫຼງການທີ່ກະຊວງການຕ່າງປະເທດຊອກດານີປະກາດໃນມື້ດຽວກັນ, ທ່ານບາເຊີແລະທ່ານໂມນາເລມກ່າວຢ້ຳວ່າ, ສະໜັບສະໜູນປະເທດອາລາບແລະປະຊາຄົມໂລກທຳຄວາມພະຍາຍາມເພື່ອສະໜັບສະໜູນປາເລັສຕິນສ້າງຕັ້ງປະເທດປາເລັສຕິນທີ່ເປັນເອກະລາດໂດຍຖືເຢຣູຊາເລັມເປັນນະຄອນຫຼວງ ພາຍໃນຂະບວນວິວັດສັນຕິພາບຕາເວັນອອກກາງແລະຂອບ "ແຜນການແກ້ໄຂລະຫວ່າງສອງປະເທດ".
ທ່ານບາເຊີແລະທ່ານໂມນາເລມກ່າວວ່າ, ຊອກດານີແລະຊີເລຍຈະຮັດແໜ້ນການຮ່ວມມືແລະປະສານງານກັນ, ເພື່ອຊຸກຍູ້ໃຫ້ກອງປະຊຸມສຸດຍອດສັນນິບາດປະເທດອາລາບທີ່ຈະໄຂຂຶ້ນຢູ່ດາມາສ ນະຄອນຫຼວງຊີເລຍໃນປີໜ້ານັ້ນ ໄດ້ຮັບຜົນສຳເລັດ, ກອງປະຊຸມຈະອອກແຮງຊຸກຍູ້ຫຼັກໝັ້ນຂອງປະເທດອາລາບໃນການຮັບມືກັບສິ່ງທ້າທາຍຂອງພາກພື້ນແລະສາກົນໃຫ້ເປັນເອກະພາບກັນ.
|
