|
|
 |
| (GMT+08:00)
2007-12-11 16:51:06
|
 |
|
ຝ່າຍຈີນຈະສືບຕໍ່ພ້ອມກັບອາເມລິກາເພີ່ມທະວີການຮ່ວມມືແກ້ໄຂຄວາມຂັດແຍ່ງກັນດ້ານການຄ້າ
cri
ຕາມຂ່າວ CRI:ວັນທີ 11 ທັນວານີ້ ຢູ່ປັກກິ່ງ, ທ່ານນາງອູອີ ຮອງນາຍົກລັດຖະມົນຕີຈີນກ່າວວ່າ,ຝ່າຍຈີນຍິນດີພ້ອມກັບຝ່າຍອາເມລິກາສືບຕໍ່ເພີ່ມທະວີການຮ່ວມມື,ແກ້ໄຂບັນຫາທີ່ສອງປະເທດປະສົບໃນການພັດທະນາເສດຖະກິດການຄ້ານັ້ນໃຫ້ດີ.
ທ່ານນາງອູອີແມ່ນກ່າວຄວາມເວົ້າດັ່ງກ່າວໃນກອງປະຊຸມຄະນະກຳມະການການຄ້າປະສົມຈີນອາເມລິກາຄັ້ງທີ 18 ທີ່ຈັດຂຶ້ນໃນມື້ດຽວກັນ.ນາງກ່າວວ່າ, ແຕ່ປີນີ້ມາ ການຄ້າລະຫວ່າງຈີນອາເມລິກາສືບຕໍ່ພັດທະນາຢ່າງຫມັ້ນທ່ຽງ,ຂົງເຂດການຮ່ວມມືເປີດກວ້າງອອກຕື່ມອີກ.ຈີນມີຫວັງຈະກາຍເປັນຕະຫລາດສົ່ງອອກໃຫຍ່ທີສາມຂອງອາເມລິກາໃນປີນີ້.ນອກນີ້, ການລົງທຶນເຊິ່ງກັນແລະກັນລະຫວ່າງຈີນອາເມລິກາກໍ່ເພີ່ມຂຶ້ນຕື່ມອີກ.ແຕ່ໃນການພັດທະນາເສດຖະກິດການຄ້າ,ສອງຝ່າຍກໍ່ມີຄວາມບໍ່ກົມກຽວກັນ,ເຊັ່ນ:ຍັດຕິຂອງລັດຖະສະພາອາເມລິກາທີ່ກ່ຽວພັນເຖີງການຄ້າຕໍ່ຈີນນັ້ນເພີ່ມຂຶ້ນຢ່າງຫລວງຫລາຍ, ທ່າອ່ຽງທີ່ຫັນບັນຫາເສດຖະກິດການຄ້າໃຫ້ເປັນບັນຫາການເມືອງນັບມື້ນັບພົ້ນເດັ່ນຂຶ້ນ;ສື່ມວນຊົນປັ່ນຂ່າວກ່ຽວກັບບັນຫາຄວາມປອດໄພດ້ານຄຸນນະພາບຂອງຜະລິດຕະພັນຈີນ,ໄດ້ທຳລາຍຊື່ສຽງຂອງຜະລິດຕະພັນຈີນແລະພາບພົດຂອງຈີນ.
ທ່ານນາງອູອີກ່າວວ່າ, ຝ່າຍຈີນຍິນດີພ້ອມກັບຝ່າຍອາເມລິກາເພີ່ມທະວີການຮ່ວມມືກັນ, ເສີມຂະຫຍາຍບົດບາດຂອງຄະນະກຳມະການເສດຖະກິດການຄ້າປະສົມຈີນອາເມລິກາຢ່າງເຕັມສ່ວນ,ຊຳລະແກ້ໄຂຄວາມຂັດແຍ່ງກັນດ້ານເສດຖະກິດການຄ້າລະຫວ່າງສອງປະເທດຢ່າງເຫມາະສົມ.
|
|
|
