|
ສະບາຍດີທ່ານຜູ້ຟັງທີ່ຮັກແພງ, ພໍເຖິງເວລານີ້ຜູ້ດຳເນີນລາຍການໄຊຊະນະນຳເອົາລາຍການແຟຊັນສຽງເພງມາພົບກັບມິດລາຍການທັງຫຼາຍທຸກໆວັນຈັນ.
ໃນມຸນແຈເລິກໆຂອງທຸກໆຄົນມີໂລກນ້ອຍໆຂອງຕົນ, ມີຄວາມບໍລິສຸດທີ່ເດັດດ່ຽວ; ມີຄວາມໃຝ່ຝັນອັນໜ້ອຍໆຮັກສາໄປຢ່າງຖາວອນ. ຄວາມໃຝ່ຝັນນັ້ນເຖິງວ່ານ້ອຍກໍຕາມ, ແຕ່ມີຄວາມບໍລິສຸດຈົນຮອດສາມາດຮັກສາໄປຕະຫຼອດໄປ, ຄຳນັດໃນເມື່ອກ່ອນເຖິງວ່າງ່າຍດາຍແຕ່ສາມາດຮັກສາຄຳໝັ້ນສັນຍາຕະຫຼອດໄປຢ່າງບໍ່ຫວັ່ນໄຫວຄອນແຄນ. ຄວາມໃຝ່ຝັນແລະຄຳນັດທີ່ນ້ອຍໆໃນເມື່ອກ່ອນນັ້ນແມ່ນຝັງເລິກໃນມຸນແຈຂອງຕົນ, ໃນຍາມເດິກປອບໃຈຂອງຕົນທີ່ຖືກທໍລະມານ, ໃຫ້ຄວາມກ້າຫານແລະກຳລັງແຮງອັນໃຫຍ່ທີ່ສຸດແກ່ຕົນເພງ, ນີ້ກໍແມ່ນຄວາມນ້ອຍໆຂອງຣົງຈູເອີ, ກໍແມ່ນຄວາມນ້ອຍໆຂອງທົກຄົນ. ເປັນກຳລັງແຮງທີ່ສະໜູບສະໜູນພວກເຮົາຢ່າງລັບໆໃຫ້ພວກເຮົາກ້າວໜ້າຕໍ່ໄປຢ່າງອົງອາດ. ໃນຕອນເລີ່ມຕົ້ນລາຍການມື້ນີ້ເຊີນຟັງເພງໃໝ່ຊື່ດຽວກັນໃນCDຊຸດໃໝ່ຂອງຣົງຈູເອີ, ຄືເພງ 小小 ນ້ອຍໆ. ໃນເພງນີ້ຮ້ອງວ່າ, ຄວາມຊົງຈຳເໝືອນດັ່ງຜູ້ເລົ່າເລື່ອງລາວ, ໃຊ້ສຽງຄໍທີ່ເຕັມໄປດ້ວຍບັນຍາກາດຂອງບ້ານເກີດ, ເຕັ້ນຂ້າມຂຸມນ້ຳ ລ້ຽງອ້ອມບ້ານນ້ອຍ, ຄອຍຖ້າສາຍຜູກພັນທີ່ຈະພົບກັນ. ມາຟັງນຳກັນເລີຍ.
ເພງຕໍ່ໄປແມ່ນເພງໃໝ່ເພງໜຶ່ງຂອງຈ້າວເຊີນຢາງ, ຄືເພງ ຢ່າເວົ້ານີ້ແມ່ນຄວາມຜິດຂອງຜູ້ໃດ. ໃນເພງນີ້ຮ້ອງວ່າ, ຢ່າຄິດຜົນໄດ້ຜົນເສຍຫຼາຍເກີນໄປ, ຄວາມຮັກກໍຄວນມີຄວາມອິດສະຫຼະ, ຢ່າງໜ້ອຍຂ້ອຍເຄີຍຮັກກໍເຄີຍຄຽດແຄ້ນ, ຊັງກຽດຕົນເອງ, ແລະຢາກປ່ອຍປະໄປເລີຍ, ແຕ່ເປັນຫຍັງຍັງມີຄວາມເສຍດາຍຄ້າງຢູ່ໃນໃຈ, ເຈົ້າຮັກຂ້ອຍບໍ່ ເຈົ້າຊັງຂ້ອຍບໍ່, ຢ່າເວົ້ານີ້ແມ່ນຄວາມຜິດຂອງຜູ້ໃດ, ແມ່ນຜູ້ໃດນ້ຳຕາໄຫຼເພື່ອຜູ້ໃດ, ແມ່ນໃຜຖືກທໍລະມານໃຈ.
ຫຼັງຈາກ1000ກວ່າມື້, ໂຈ່ວຮຸ້ຍໄດ້ອອກCDຊຸດໃໝ່ ແຕກດອກ. CDຊຸດນີ້ໄດ້ຖືເອົາດົນຕີລະບາຍອາລົມເປັນພື້ນຖານ, ມີບັນຍາກາດບູຮານທັງມີລັກສະນະສະໄໝນິຍົມ. ຕໍ່ໄປໄຊຊະນະຈະຈັດເພງຊື້ງໆເພງໜຶ່ງສູ່ຟັງ, ຄືເພງ ຄວາມມ່ວນຊື່ນທີ່ອອບກອດກັນ. ໃນເພງນີ້ຮ້ອງວ່າ, ໃນຂະນະທີ່ກອດກັນ ມີຄວາມຮູ້ສຶກທີ່ສວຍງາມ, ຄືຊິເວລາກໍຢຸດເຊົາ, ຂະນະພັບຕາດຽວນັ້ນກໍຮັກສາຢ່າງຖາວອນ, ໃນຂະນະທີ່ກອດກັນ, ຄວາມປາຖະໜາໄດ້ກາຍເປັນຄວາມຈິງໝົດ, ຄວາມຄິດຂອງພວກເຮົາມີແຕ່ພວກເຮົາເອງເຂົ້າໃຈ, ບໍ່ວ່າເວລາຈະປິ່ນໄປແນວໃດ, ຖ້າບໍ່ວາງມືກໍສາມາດຍ່າງເດີນໄປຕະຫຼຶດ, ຍ້ອນວ່າມີເຈົ້າຂ້ອຍກໍໄດ້ມີທົ່ວໂລກ.
ເພງທີ່ຟັງມານັ້ນຫວັງວ່າຍັງຖືກໃຈທ່ານຜູ້ຟັງທັງຫຼາຍ, ຕໍ່ໄປໄຊຊະນະຈະຈັດເພງໜຶ່ງທີ່ມີຈັງຫວະໄວ, ຄືເພງດ່ຽວເພງໃໝ່ຂອງວາງລີ້ຮົງ ປ່ຽນແປງ ຕົນເອງ. ໃນເພງນີ້ຮ້ອງວ່າ, ຂ້ອຍສາມາດປ່ຽນແປງທົ່ວໂລກ, ປ່ຽນແປງຕົນເອງ, ປ່ຽນແປງສິ່ງກີດຂວາງ, ປ່ຽນແປງຄວາມຂີ້ຖີ່, ຕ້ອງພະຍາຍາມຕໍ່ໆໄປ, ບໍ່ປ່ອຍປະຈັກເທື່ອ, ຈຶ່ງສາມາດປ່ຽນແປງໂລກ, come on ປ່ຽນແປງຕົນເອງ.
ຕໍ່ໄປແມ່ນ CDຊຸດໃໝ່ຂອງຊີຊ່ຽນຢາ ຄື ທິດໃຕ້ຂອງເມກສີ. ໃນ CDຊຸດນີ້ໄດ້ເກັບໂຮມບົດແຕ່ງຂອງຜູ້ແຕ່ງເພງດີເລີດຂອງເຂດໃນຈີນ ຮົງກົງ ໄຕ້ຫວັນແລະອາຊີອາຄະເນ, ໄດ້ໃຊ້ສຽງຄໍທີ່ມ່ວນຫູພິລຶກສະແດງໃຫ້ເຫັນສີສັນຕ່າງໆ, ເຊິ່ງເປັນໝາກຜົນທີ່ວັດທະນະທຳພິເສດຂອງທ້ອງຖິ່ນຈີນເຊື່ອມໂຍງກັບປັດໄຈແຟຊັນສະໄໝປະຈຸບັນ. ໃນນັ້ນ ເພງທີ່ມີຊື່ດຽວກັນກັບ CDຊຸດນີ້ ຄື ທິດໃຕ້ຂອງເມກສີແມ່ນຕົວແທນພົ້ນເດັ່ນຂອງເພງພື້ນເມືອງສະໄໝປະຈຸບັນ. ຊີຊ່ຽນຢາມີສຽງຄໍທີ່ຈັດໃຈຄົນ, ສາມາດເວົ້າໄດ້ວ່າພໍດີປະສານກັບຮູບການດົນຕີທີ່ມີສີສັນຊົນເຜົ່າອັນເຂັ້ມຂຸ້ນແນວນີ້ເປັນຢ່າງດີ. ມາຟັງນຳກັນເລີຍ.
ຍັງບໍ່ຮູ້ສຶກຕົວກໍໃກ້ມາຮອດຕອນທ້າຍຂອງລາຍການມື້ນີ້, ໄຊຊະນະຂໍລາທ່ານຜູ້ຟັງໄປກ່ອນດ້ວຍເພງດ່ຽວຫຼ້າສຸດຂອງເຊີນກ້ວນຊີ່, ຄືເພງ ເປັນໄປບໍ່ໄດ້. ໃນເພງນີ້ຮ້ອງວ່າ, ໃນໂລກນີ້ມີເລື່ອງໃດແມ່ນມີເລື່ອງໃດເປັນໄປບໍ່ໄດ້ບໍ່? ຂ້ອຍສາມາດເຮັດໃຫ້ໄດ້ໝົດ, ບໍ່ວ່າປະສົບຄວາມຫຍຸ້ງຍາກຫຍັງຂ້ອຍກໍບໍ່ໝອງໃຈ, ຊີວິດກໍແມ່ນໃບອະນຸຍາດຂອງຂ້ອຍ, ຈະເຮັດໃຫ້ຂ້ອຍສາມາດຂຶ້ນສູ່ລະດັບສູງສຸດ, ຄວາມໃຝ່ຝັນແລະເປົ້າໝາຍທີ່ສຳເລັດບໍ່ໄດ້ຂ້ອຍຈະເຮັດໃຫ້ໄດ້ໝົດ, ຈົນກວ່າຂ້ອຍລົ້ມລົງຈະຫງາຍຫົວຂຶ້ນອີກ, ແຕ່ລະເທື່ອເມື່ອຂ້ອຍເສຍໄຊຂ້ອຍກໍເລີ່ມໃໝ່ແຕ່ຫົວທີ, ແຕ່ລະເທື່ອເມື່ອຂ້ອຍປະສົບຄວາມອັບປະຍົດຂ້ອຍກໍຈື່ວ່າຄວາມເຄົາລົບຕົນເອງແມ່ນສ້າງຂຶ້ນໃນໃຈເອງ.
ເອົາລະ ທ່ານຜູ້ຟັງທີ່ຮັກເພງ ລາຍການແຟຊັນສຽງເພງມື້ນີ້ກໍຮອດນີ້ແລ້ວ, ພົບກັນໃໝ່ໃນເວລາດຽວກັນຂອງວັນຈັນໜ້າ, ສະບາຍດີ.
|
