|
|
 |
| (GMT+08:00)
2007-12-13 15:38:42
|
 |
|
ການເຈລະຈາເສດຖະກິດດ້ານຍຸດທະສາດລະຫວ່າງຈີນອາເມລິກາຄັ້ງທີ 3 ອັດລົງ
cri
Author: cai
ຕາມຂ່າວCRI:ວັນທີ 13 ທັນວານີ້,ການເຈລະຈາເສດຖະກິດດ້ານຍຸດທະສາດລະຫວ່າງຈີນກັບອາເມລິກາຄັ້ງທີ 3 ທີ່ດຳເນີນຢູ່ປັກກິ່ງເປັນເວລາ 2 ມື້ໄດ້ອັດລົງ.
ທ່ານນາງອູອີ ຮອງນາຍົກລັດຖະມົນຕີຈີນກ່າວວ່າ,ການເຈລະຈາເທື່ອນີ້ໄດ້ຮັບຜົນສຳເລັດຢ່າງເຕັມເມັດເຕັມໜ່ວຍ.ຈີນກັບອາເມລິກາໄດ້ຫາລືກັນຢ່າງຕັ້ງໜ້າກ່ຽວກັບຫົວຂໍ້ຕ່າງໆເຊັ່ນການພັດທະນາເສດຖະກິດຢ່າງສະໝ່ຳສະເໝີກັນ ການລົງທຶນລະຫວ່າງສອງຝ່າຍ ຄຸນນະພາບຂອງຜະລິດຕະພັນແລະຄວາມປອດໄພຂອງອາຫານ ພະລັງງານແລະການອະນຸລັກສິ່ງແວດລ້ອມເປັນຕົ້ນ,ໄດ້ມີຄວາມຮັບຮູ້ຄືກັນ 31 ຂໍ້.ສອງຝ່າຍຕົກລົງຈະສ້າງໜ່ວຍງານປະສົມ,ຄົ້ນຄວ້າແຜນຮ່ວມມື 10 ປີໃນຂົງເຂດພະລັງງານແລະສິ່ງແວດລ້ອມລະຫວ່າງຈີນກັບອາເມລິກາ.
ທ່ານເຮນຣີ ພໍຊັນ ລັດຖະມົນຕີວ່າການກະຊວງການເງິນອາເມລິກາກ່າວວ່າ,ອາເມລິກາກັບຈີນໄດ້ແກ້ໄຂບັນຫາຈຳນວນໜຶ່ງທີ່ສົນໃຈນຳກັນຢ່າງບັງເກີດຜົນທີ່ສຸດໂດຍຜ່ານການເຈລະຈາ,ກົນໄກການເຈລະຈາເສດຖະກິດດ້ານຍຸດທະສາດລະຫວ່າງອາເມລິກາກັບຈີນໄດ້ເສີມຂະຫຍາຍບົດບາດສຳຄັນເພື່ອຂະຫຍາຍການພົວພັນດ້ານເສດຖະກິດການຄ້າລະຫວ່າງສອງຝ່າຍ.
ການເຈລະຈາເສດຖະກິດດ້ານຍຸດທະສາດລະຫວ່າງຈີນກັບອາເມລິກາຄັ້ງທີ 4 ຈະຈັດຂຶ້ນຢູ່ວໍຊິງຕັນອາເມລິກາໃນເດືອນມິຖຸນາປີໜ້າ.
|
|
|
