ຕາມ​ຂ່າວ CRI: ວັນ​ທີ 13 ທັນວາ​ນີ້, ​ໃນ​ກອງ​ປະຊຸມ​ຂ່າວ​ທີ່​ຈັດ​ຂຶ້ນ​ໃນ​ໄລຍະ​ການ​ເຈ​ລະ​ຈາ​ເສດຖະກິດ​ດ້ານ​ຍຸດ​ທະ​ສາດ​ລະຫວ່າງ​ຈີນ​ອາ​ເມ​ລິ​ກາ​ຄັ້ງທີ 3, ທ່ານ​ໂຈ່​ວ​ເຊິ່ງ​ສຽນ ຫົວ​ໜ້າ​ກົມ​ໃຫຍ່​ອະນຸລັກ​ສິ່ງ​ແວດ​ລ້ອມ​ແຫ່ງ​ຊາດ​ຈີນ​ກ່າວ​ວ່າ, ສອງ​ຕົວ​ເລກ​ຄາດ​ໝາຍ​ທີ່ມີ​ລັກ​ສະ​ນະ​ຜູກ​ພັນ​ຄື ການ​ລະບາຍ​ຊຸນ​ເຟີ​ດີ​ອອກ​ຊິດ ​ແລະ COD ​ໃນ​ປີ​ນີ້ ​ໄດ້​ຫຼຸດ​ລົງ​ເປັນ​ເທື່ອ​ທຳ​ອິດ, ນີ້​ສະ​ແດງ​ໃຫ້​ເຫັນ​ວ່າ, ການ​ອະນຸລັກ​ສິ່ງ​ແວດ​ລ້ອມ​ຂອງ​ຈີນ​ໄດ້​ຈາກ​ທ່າ​ຮັບ​ກ້າວ​ໄປ​ສູ່​ໄລຍະ​ໃໝ່​ທີ່​​ເປັນ​ເຈົ້າການປ້ອງ​ກັນ​ແລະ​ປົວ​ແປງ.

ທ່ານ​ໂຈ່​ວ​ເຊິ່ງສຽນ​ກ່າວ​ວ່າ, ​ໃນ​ 3 ໄຕ​ມາດທຳ​ອິດ​ຂອງ​ປີ​ນີ້, ປະລິມານ​ການ​ລະ​ບາຍ​ຊຸນ​ເຟີ​ດີ​ອອກ​ຊິດ​ຂອງ​ຈີນ​ໄດ້​ຫຼຸດ​ລົງ 1,81%, COD ກໍ່​ໄດ້ຫຼຸດ​ລົງ 0,28% ​ເມື່ອ​ທຽບ​​ໃສ່​ໄລ​ຍະ​ດຽວ​ກັນ​ຂອງ​ປີ​ກາຍ, ທ່ານ​ກ່າວ​ວ່າ ໝາກຜົນ​ດັ່ງກ່າວ​ແມ່ນ​ໄດ້​ມາ​ບໍ່​ແມ່ນ​ງ່າຍ.

ທ່ານ​ໂຈ່​ວ​ເຊິ່ງສຽນ​ກ່າວ​ວ່າ, ​ໃນ​ຕໍ່ໜ້າ, ຈີນ​ຍັງ​ຈະ​ປັບປຸງ​ນະ​ໂຍບາຍ​ແລະ​ກົດ​ລະ​ບຽບ​ກ່ຽວ​ກັບ​ການ​ອະນຸລັກ​ສິ່ງ​ແວດ​ລ້ອມ​ຕື່ມ​ອີກ, ອາ​ໄສ​ພາຫະນະ​ດ້ານ​ກົດ​ໝາຍ, ​ຈໍ່​ຕົວ​ເປັນ​ກົນ​ໄກ​ຜູກພັນ​ແລະ​ສົ່ງ​ເສີມ, ​​ເຮັດໃຫ້​ວິ​ສາ​ຫະກິດ​​ມີ​ຄວາມ​ຮັບຜິດ​ຊອບ​ຕໍ່​ສັງ​ຄົມ​ຢ່າງ​ບໍ່​ຢຸດ​ຢັ້ງ.