|
|
 |
| (GMT+08:00)
2007-12-14 11:19:07
|
 |
|
ຈີນຈະຊຸກຍູ້ການສ້າງລະບົບລົງໂທດແລະປ້ອງກັນການສໍ້ລາດບັງຫຼວງຢ່າງໜັກແໜ້ນ
cri
Author: cai
ຕາມຂ່າວຈາກໜັງສືພິມ"ເຢີນມີນຢື້ປ້າວ"ຂອງຈີນ:ວັນທີ 13 ທັນວານີ້,ທ່ານເຮີຢົງ ຮອງເລຂາຄະນະກຳມະການກວດກາວິໄນສູນກາງພັກກອມມູນິດຈີນກ່າວວ່າ,ຕ້ອງຊຸກຍູ້ການສ້າງລະບົບລົງໂທດແລະປ້ອງກັນການສໍ້ລາດບັງຫຼວງຢ່າງໜັກແໜ້ນ.
ມື້ດຽວກັນ,ຄະນະກຳມະການກວດກາວິໄນສູນກາງພັກກອມມູນິດຈີນແລະກະຊວງກວດການຈີນໄດ້ຈັດກອງປະຊຸມຈັດວາງວຽກງານຂໍຄວາມເຫັນກ່ຽວກັບ"ແຜນການວຽກງານສ້າງແລະປັບປຸງລະບົບລົງໂທດແລະປ້ອງກັນການສໍ້ລາດບັງຫຼວງແຕ່ປີ 2008 ຫາປີ 2012"ຂອງອົງການອ້ອມຂ້າງສູນກາງພັກແລະອົງການອ້ອມຂ້າງລັດຖະບານ.ທ່ານເຮີຢົງໄດ້ເຂົ້າຮ່ວມກອງປະຊຸມແລະກ່າວຄຳປາໄສ.ທ່ານກ່າວເນັ້ນວ່າ,ຕ້ອງຖືການປັບປຸງລະບົບລົງໂທດແລະປ້ອງກັນການສໍ້ລາດບັງຫຼວງເປັນຈຸດໜັກ,ເພື່ອເພີ່ມທະວີການສ້າງສາການຕ້ານການສໍ້ລາດບັງຫຼວງແລະສົ່ງເສີມຄວາມປອດໃສໄຮ້ມົນທິນ.ຕ້ອງເຮັດໃຫ້ການສ້າງສາການຕ້ານການສໍ້ລາດບັງຫຼວງແລະສົ່ງເສີມຄວາມປອດໃສໄຮ້ມົນທິນເຊື່ອມໂຍງເຂົ້າກັນກັບການສ້າງສາເສດຖະກິດ ການເມືອງ ວັດທະນະທຳແລະສັງຄົມ,ຍົກຄວາມສາມາດຕໍ່ຕ້ານການສໍ້ລາດບັງຫຼວງ ປ້ອງກັນການເສຍທາດຂາດຄຸນແລະຕໍ່ຕ້ານຄວາມສ່ຽງໃຫ້ສູງຂຶ້ນຢ່າງບໍ່ຢຸດຢັ້ງ.
ທ່ານເຮີຢົງກ່າວວ່າ,ຕ້ອງກວດກາໂດຍຈຳເພາະຕໍ່ສະພາບວຽກງານຂອງແຫ່ງຕ່າງໆແລະພາກສ່ວນຕ່າງໆໃນການສ້າງລະບົບລົງໂທດແລະປ້ອງກັນການສໍ້ລາດບັງຫຼວງໃນຫຼາຍປີມານີ້,ສະຫຼຸບບົດຮຽນ,ຊອກຫາຂໍ້ຂາດຕົກບົກຜ່ອງ,ປັບປຸງວຽກງານໃຫ້ດີຂຶ້ນ.
|
|
|
