|
18 ຄົນລວມທັງອະດີດຮອງປະທານາທິບໍດີຟິລິບປິນຖືກຕັດສິນຖານໂທດກໍ່ການກະບົດນັ້ນບໍ່ມີຫລັກຖານພຽງພໍ
cri
ຕາມຂ່າວສານຊີນຮວາ: ຫນັງສືພິມ ມານີລາແທມສ໊ຂອງຟິລິບປິນສະບັບວັນທີ 14 ທັນວານີ້ລາຍງານວ່າ,ວັນທີ 13 ທັນວານີ້,ສານເຂດມາຄາທີ ຂອງມານີລາ ນະຄອນຫລວງຟິລິບປິນໄດ້ທຳການຕັດສິນ,ປະກາດວ່າ, ໂທດກໍ່ການກະບົດຂອງສາມັນຊົນ 18 ຄົນທີ່ລວມທັງທ່ານກິງໂກນາ ອະດີດຮອງປະທານາທິບໍດີຟິລິບປິນທີ່ຖືກສົງໃສເຂົ້າຮ່ວມເຫດການເປັນປໍລະປັກກັບຕຳຫລວດຢູ່ໂຮງແຮມເປນິນຊູລານັ້ນບໍ່ມີຫລັກຖານພຽງພໍ.
ໃນເວລາທຳການຕັດສິນ,ຜູ່ພິພາກສາຂອງສານເຂດມາຄາທີກ່າວວ່າ, ເຖີງວ່າທ່ານກິງໂກນາພ້ອມກັບສາມັນຊົນອີກ 17 ຄົນຮຍກຮ້ອງໃຫ້ທ່ານນາງອາໂລໂຢ ປະທານາທິບໍດີຟິລິບປິນລາອອກຈາກຕຳແຫນ່ງ,ແລະຮຽກຮ້ອງໃຫ້ມວນຊົນເຂົ້າຮ່ວມຖັນແຖວຂອງເຂົາເຈົ້າກໍ່ຕາມ,ແຕ່ການກະທຳນີ້ບໍ່ພໍທີ່ຈະກາຍເປັນເຫດຜົນທີ່ກ່າວຫາເຂົາເຈົ້າໄດ້ເຂົ້າຮ່ວມການເຄື່ອນໄຫວກໍ່ການກະບົດ.
ສຳນວນຕັດສິນຂອງສານຍັງກ່າວຢ່າງຈະແຈ້ງວ່າ,ການກ່າວຫາທະຫານ 18 ຄົນໃນຈຳນວນ 36 ຄົນທີ່ເຂົ້າຮ່ວມເຫດການເປັນປໍລະປັກຢູ່ໂຮງແຮມເປນີນຊູລານັ້ນມີຫລັກຖານຢ່າງເຕັມສ່ວນ,ສະນັ້ນ ມີໂທດ.
|
|
