|
ຕົວເມືອງມີສ່ວນຮ່ວມຂອງງານກິລາໂອລິມປິກປັກກິ່ງຕາມການຈັດວາງ,ການແຂ່ງຂັນຂອງງານກິລາໂອລິມປິກປັກກິ່ງປີ2008ບໍ່ແມ່ນຈັດຂຶ້ນຢູ່ປັກກິ່ງໝົດ,ຮອດເວລານັ້ນ,ນະຄອນທຽນສິນ ເມືອງຊິນຮວາງຕາວ ນະຄອນຊຽງໄຮ້ແລະນະຄອນເສິນຢາງຂອງຈີນຈະຮັບຈັດການແຂ່ງຂັນບານເຕະ,ນະຄອນຊິ່ງຕາວຈະຮັບຈັດ ການແຂ່ງຂັນເຮືອໃບແລະແປ້ນຕ້ານຄື້ນ,ສ່ວນການແຂ່ງຂັນຄວາມຊຳນານໃນ
ການຂີ່ມ້າ ຈະຈັດຂຶ້ນຢູ່ຮົງກົງໝົດ.ເຖິງວ່າຕົວເມືອງ6ແຫ່ງດັ່ງກ່າວບໍ່
ແມ່ນຕົວເມືອງເຈົ້າພາບຂອງ ງານກິລາໂອລິມປິກກໍຕາມ,ແຕ່ຊື່ຂອງຕົວ
ເມືອງ6ແຫ່ງນີ້ຈະຖືກບັນທຶກໄວ້ໃນປະຫວັດ ສາດຂອງງານກິລາໂອລິມ
ປິກຄືກັນ.ຄຳຖາມສອງຂໍ້ໃນບົດນີ້ແມ່ນ:ໜຶ່ງ,ຕົວເມືອງມີສ່ວນຮ່ວມ6
ແຫ່ງຂອງງານກິລາໂອລິມປິກປັກກິ່ງມີເມືອງໃດແດ່?ສອງ,ຮົງກົງຈະຈັດ
ການແຂ່ງຂັນປະເພດໃດຂອງງານກິລາໂອລິມປິກປັກກິ່ງ?
ເຮືອໃບແລະແປ້ນຕ້ານຄື້ນແມ່ນລາຍການແຂ່ງຂັນທີ່ຈັດຂຶ້ນເທິງທະເລ.ສະນັ້ນ,ຍາມໃດມີງານກິລາໂອລິມຈັດຂຶ້ນຢູ່ຕົວເມືອງບໍ່ຕິດທະເລ,ກໍຕ້ອງໄປຈັດສອງລາຍການນີ້ຢູ່ຕົວເມືອງແຄມທະເລ.ເມືອງຊິ່ງຕາວຕັ້ງຢູ່ແຄມຝັ່ງຕາເວັນຕົກມະຫາສະໝຸດປາຊິຟິກ,ຕິດກັບທະເລເຫຼືອງ,ແຫຼມເກົາຫຼີແລະຍີ່ປຸ່ນຢູ່ຝັ່ງກົງກັນຂ້າມໄປທິດຕາເວັນອອກ.ແຫ່ງນີ້ມີພະລັງລົມແລະກະແສນ້ຳທີ່ໝັ້ນທ່ຽງ,ແມ່ນບ່ອນທີ່ເໝາະຈັດການແຂ່ງຂັນເຮືອໃບສາກົນ.ທ່ານເຊ້ຍເກີ່ງ ເຈົ້າຄອງນະຄອນຊິ່ງຕາວບອກວ່າ:
"ຍ້ອນຜົນສະທ້ອນຂອງງານກິລາໂອລິມປິກ,ເສດຖະກິດນະຄອນຊິ່ງຕາວໄດ້ພັດທະນາອ່າວໄວໃນຫຼາຍປີມານີ້.ຊີວິດການເປັນຢູ່ຂອງຊາວເມືອງຊິ່ງຕາວໄດ້ປ່ຽນແປງຢ່າງຫຼວງ ຫຼາຍຍ້ອນງານກິລາໂອລິມປິກ.ລາຍໄດ້ຂອງຊາວເມືອງເພີ່ມຂຶ້ນຢ່າງຕໍ່ເນື່ອງ,ສີ່ປີມານີ້, ລາຍໄດ້ຂອງປະຊາຊົນຕົວເມືອງເພີ່ມຂຶ້ນ15,1%,ຂອງປະຊາຊົນຊົນນະບົດໄດ້ເພີ່ມຂຶ້ນ 15,1%ແລະ11,8%,ໄດ້ກາຍເປັນໄລຍະທີ່ລາຍໄດ້ຊາວເມືອງພວກເຮົາເພີ່ມຂຶ້ນໄວທີ່ສຸດ."
"ນັດພົບກັບງານກິລາໂອລິມປິກ,ຊົມລາຍການເຮືອໃບຢູ່ຊິ່ງຕາວ"ແມ່ນຄຳເຊີນຂອງນະ ຄອນຊິ່ງຕາວທີ່ມີຕໍ່ນັກທ່ອງທ່ຽວທົ່ວໂລກ.ໃນລະດູຮ້ອນປີ2008,ການແຂ່ງຂັນເຮືອໃບທີ່ມີບັນຍາກາດຕື່ນເຕັ້ນຫຼາຍແລະນະຄອນຊິ່ງຕາວທີ່ງາມຫຼາຍຈະລໍຖ້າທ່ານມາທ່ຽວຊົມ.
ການແຂ່ງຂັນຄວາມຊຳນານໃນການຂີ່ມ້າແມ່ນລາຍການພຽງໜຶ່ງດຽວທີ່ຕ້ອງການນັກກິ ລາປະສານສົມທົບກັບສັດ,ຈຶ່ງເປັນຕາຊົມເບິ່ງແລະມ່ວນຫຼາຍ,ໃນກອງປະຊຸມຄົບຄະນະ ຄັ້ງທີ117ທີ່ຈັດຂຶ້ນຢູ່ສິງກະໂປເມື່ອປີ2005,ຄະນະກຳມະການໂອລິມປິກສາກົນ,ຄະນະກຳມະການຈັດຕັ້ງງານກິລາໂອລິມປິກປັກກິ່ງແລະສະຫະພັນກິລາຄວາມຊຳນານໃນການຂີ່ມ້າສາກົນໄດ້ເປັນເອກະສັນກັນທີ່ຈະຈັດການແຂ່ງຂັນຄວາມຊຳນານໃນການຂີ່ມ້າຂອງງານກິລາໂອລິມປິກປີ2008ຢູ່ຮົງກົງ.ບຸກຄົນສຳຄັນໃນວົງການກິລາສາກົນເຫັນໂດຍທົ່ວໄປວ່າ,ຮົງກົງທີ່ມີປະເພນີຊ່ວງມ້າຮ້ອຍກວ່າປີນັ້ນແມ່ນບ່ອນດີສົມຄວນສຳລັບການແຂ່ງຂັນຄວາມຊຳນານໃນການຂີ່ມ້າຂອງງານກິລາໂອລິມປິກປັກກິ່ງ.
ການຊ່ວງມ້າແມ່ນປະເພດກິລາທີ່ຊາວຮົງກົງມັກຫຼາຍ.ທ່ານຮໍ້ເຈີ້ນທີງ ປະທານຄະນະກຳ ມະການໂອລິມປິກຮົງກົງເຫັນວ່າ,ການແຂ່ງຂັນຄວາມຊຳນານໃນການຂີ່ມ້າຂອງງານກິລາໂອລິມປິກປັກກິ່ງຈັດຂຶ້ນຢູ່ຮົງກົງ,ບໍ່ພຽງແຕ່ມີຄວາມໝາຍດ້ານກິລາຕໍ່ຮົງກົງ.ທ່ານຮໍ້ເຈີ້ນ ທີງກ່າວວ່າ:"ຜ່ານການຈັດການແຂ່ງຂັນຄວາມຊຳນານໃນການຂີ່ມ້າຢູ່ຮົງກົງ,ຈະເສີມສ້າງຄວາມພາກພູມໃຈຂອງຊາວຮົງກົງທີ່ມີຕໍ່ປະເທດຊາດ.ພວກເຮົາຮູ້ວ່າ,ຜ່ານການຈັດງານກິລາໂອລິມປິກຢ່າງສຳເລັດຜົນ,ລະດັບກິລາແລະຄວາມສາມາດສັງລວມແຫ່ງຊາດຂອງເກຼັກໄດ້ ຍົກສູງຂຶ້ນຫຼາຍ,ສິ່ງສຳຄັນທີ່ສຸດແມ່ນ,ມັນໄດ້ສ້າງໂອກາດອັນໜຶ່ງທີ່ກະຕຸ້ນໃຈຊາວໜຸ່ມໃຫ້ຮັກຫອມປະເທດຊາດ.ຮົງກົງກໍຄືກັນ,ຖ້າວ່າໄດ້ຈັດການແຂ່ງຂັນຄວາມຊຳນານໃນການຂີ່ມ້າຄັ້ງນີ້ຢ່າງສຳເລັດຜົນ,ຍ່ອມຈະມີຜົນດີຕໍ່ກິລາ,ສິ່ງສຳຄັນທີ່ສຸດແມ່ນຈະມີຜົນສະທ້ອນອັນຕັ້ງໜ້າຕໍ່ຊາວໜຸ່ມ,ການຮ່ວມມືຈັດງານກິລາໂອລິມປິກກັບນະຄອນ ຫຼວງຂອງປະເທດຊາດ,ແມ່ນສຳຄັນຫຼາຍຕໍ່ການເພີ່ມຄວາມພາກພູມໃຈຕໍ່ປະເທດຊາດຂອງຊາວຮົງກົງ."
ບານເຕະແມ່ນລາຍການແຂ່ງຂັນທີ່ມີໄລຍະເວລາແຂ່ງຂັນຍາວກວ່າໝູ່ໃນງານກິລາໂອລິມ ປິກ.ເພື່ອຈັດວາງການແຂ່ງຂັນໃຫ້ສະດວກ,ການຕັ້ງສະໜາມສາຂາໃຫ້ການແຂ່ງຂັນບານເຕະງານກິລາໂອລິມປິກໄດ້ກາຍເປັນປະເພນີຂອງງານກິລາໂອລິມປິກຫຼາຍຄັ້ງຜ່ານມາ.ງານກິລາໂອລິມປິກປັກກິ່ງປີ2008ກໍຈະຈັດວາງການແຂ່ງຂັນບານເຕະຈຳນວນໜຶ່ງຢູ່ສີ່ຕົວເມືອງ ຄື ນະຄອນຊຽງໄຮ້ ນະຄອນເສິນຢາງ ເມືອງຊິນຮວງເຕົາແລະນະຄອນທຽນສິນ,ແລະແຕ່ລະຕົວເມືອງຈະຈັດການແຂ່ງຂັນປະມານ10ນັດ.ການຈັດວາງການແຂ່ງຂັນບານເຕະຢູ່ຕົວເມືອງເຫຼົ່ານີ້,ດ້ານໜຶ່ງແມ່ນຍ້ອນຄວາມຕ້ອງການຂອງການຈັດວາງການແຂ່ງຂັນ,ອີກດ້ານໜຶ່ງ,ກໍແມ່ນຢາກເຮັດໃຫ້ປະຊາຊົນຈີນຫຼາຍກວ່າເກົ່າໄດ້ແບ່ງປັນຄວາມຊື່ມມ່ວນຂອງງານກິລາໂອລິມປິກ.
ສະນັ້ນ,ຕົວເມືອງເຫຼົ່ານີ້ລ້ວນແຕ່ສະແດງຄວາມຫ້າວຫັນຫຼາຍທີ່ສຸດຕໍ່ການຈັດການແຂ່ງຂັນບານເຕະຂອງງານກິລາໂອລິມປິກປັກກິ່ງ.ນະຄອນຊຽງໄຮ້ແມ່ນໜຶ່ງໃນບັນດາຕົວເມືອງທີ່ຈະເລີນກວ່າໝູ່ແລະເສດຖະກິດຟົດຟຶ້ນກວ່າໝູ່ຂອງຈີນ.ເລື່ອງອັດສະຈັນດ້ານເສດຖະກິດຂອງຈີນໄດ້ສະແດງອອກໂດຍຜ່ານຊຽງໄຮ້ຢ່າງເຕັມສ່ວນ.ທ່ານຮານເຈີ້ງ ເຈົ້າຄອງນະຄອນຊຽງໄຮ້ກ່າວວ່າ: (ປ່ອຍສຽງ)
"ຂ້າພະເຈົ້າເຫັນວ່າ,ຊຽງໄຮ້ແມ່ນຕົວເມືອງສາກົນທີ່ໄຂປະຕູ,ຄວນຈັດການແຂ່ງຂັນແບບນີ້, ມາສ່ອງແສງໃຫ້ເຫັນພາບພົດໃໝ່ຂອງປະເທດເຮົາທີ່ປະຕິຮູບແລະໄຂປະຕູສູ່ພາຍນອກ,ມາສະແດງໃຫ້ເຫັນພາບພົດໃໝ່ຂອງນະຄອນຊຽງໄຮ້."
|
