ສະຖານີວິທະຍຸສາກົນແຫ່ງປະເທດຈີນພະແນກພາສາລາວ
China Radio International
ຂ່າວ​ພາຍ​ໃນ​
  ປະ​ເທດ
ຂ່າວ​ຕ່າງປະ​ເທດ
   ການເມືອງ
   ເສດຖະກິດ
   ວັດທະນະທຳ
   ສັງຄົມ
   ຮຽນພາສາຈີນ

ຄວາມຈິງ 14 ມີນາຕິເບດ

ປາເລັສຕິນອິສຣາແອນ

ສະຖານະການອິຣັກ

ງານກິລາໂອລິມປິກ
ປັກກິ່ງປີ2008
ອ່ານຕໍ່...>>
(GMT+08:00) 2007-12-18 17:43:38    
ນັດພົບ​ໃນ​ປີ 2008 —— ການ​ແຂ່ງຂັນ​ເສັງ​ຄວາມຮູ້​ກ່ຽວ​ກັບງານ​ກິລາ​ໂອ​ລິມປິກ​ປັກ​ກິ່ງ​ໃນ​ທົ່ວ​ໂລກສະໜາມ​​ແຂ່ງຂັນ​ຂອງ​ງານ​ກິລາ​ໂອ​ລິ​ມປິກ

cri Author: lm


ທ່ານ​ຜູ້​ຟັງ​ທີ່​ເຄົາລົບ, ດຽວນີ້, ​ເວລາ​ຂອງ​ການ​ໄຂງານກິລາໂອລິມປິກປັກກິ່ງຍັງບໍ່​ຮອດ​ປີ​ໜຶ່ງ​ແລ້ວ. ​ໃນ​ຖານະ​ທີ່ເປັນວຽກ​ງານສຳຄັນ​ຂອງ​ການກະກຽມ​ງານ​ກິລາ​ໂອ​ລິ​ມປິກ, ການ​ສ້າງ​ສະໜາມ​ແຂ່ງຂັນ​ຂອງ​ງານ​ກິລາ​ໂອ​ລິ​ມປິກ​ປັກ​ກິ່ງ​ກຳລັງ​ດຳ​ເນີນ​ໄປ​ຕາມ​ແຜນ​ທີ່​ວາງ​ໄວ້. ​ໃນ​ລາຍການ​ພາກ​ນີ້, ພວກ​ເຮົາກໍ່ຈະ​ແນະນຳ​ສະພາບ​​ກ່ຽວ​ກັບ​ການ​ສ້າງ​ສະໜາມແຂ່ງຂັນ​ຂອງງານ​ກິລາ​ໂອ​ລິ​ມປິກ​ປັກ​ກິ່ງ​ສູ່​ຟັງ. ສຳລັບ​ຄຳ​ຖາມ​ຂອງ​ລາຍການ​ມື້​ນີ້​ແມ່ນ: ງານ​ກິລາ​ໂອ​ລິ​ມປິກ​ປັກ​ກິ່ງຕ້ອງການ​ສະໜາມ​ແຂ່ງຂັນ​ຈັກ​ແຫ່ງ? ສະໜາມກິລາ​ໃດ​ທີ່​ຈະ​ຈັດ​ພິທີ​​ໄຂ​ແລະອັດ​ງານ​?

ງານ​ກິລາ​ໂອ​ລິ​ມປິກ​ປັກ​ກິ່ງ​ຕ້ອງການ​ສະໜາມແຂ່ງຂັນທັງ​ໝົດ​ 37 ​ແຫ່ງ, ​ໃນ​ນັ້ນ, ສະໜາມແຂ່ງຂັນ​ທີ່​ສ້າງ​ໃໝ່​ມີ 19 ​ແຫ່ງ, ປັບປຸງ​ໃໝ່​ 11 ​ແຫ່ງ, ສະໜາມ​ແຂ່ງ​ຂັນ​ຊົ່ວ​ຄາວ 7 ​ແຫ່ງ, ​ໃນ​ການ​ກໍ່ສ້າ​ງ​ແລະ​ສ້ອມ​ແປງລົງທຶນ​ປະມານ 2 ຕື້ 670 ລ້ານ​ໂດ​ລາ. ຍ້ອນ​ຮູບຊົງ​ອັນ​ພິ​ເສດ, ສະໜາມ​ກິລາ​ແຫ່ງ​ຊາດ ​ເຊິ່ງ​ເປັນ​ບ່ອນຈັດ​​​ພິທີ​ໄຂ​​ແລະ​ອັດ​ງານ​ກິລາ​ໂອ​ລິ​ມປິ​ກປັກ​ກິ່ງ​ປີ 2008 ຈຶ່ງ​ເອີ້ນວ່າ​ສະໜາມກິລາຮັງ​ນົກ. ທ້າຍ​ເດືອນ​ທັນວາ​ປີ 2003 , ສະໜາມກິລາ​ຮັງນົກ​​ເລີ່​ມສ້າງ​ຢູ່​ສວນສາທາລະນະ​ໂອ​ລິ​ມປິກ​ທີ່​ຕັ້ງ​ຢູ່​ພາກ​ເໜືອ​ຂອງ​ນະຄອນ​ຫຼວງປັກ​ກິ່ງ. ດຽວ​ນີ້, ​ໂຄງ​ຮ່າງ​ດ້ານ​ນອກ​ຂອງ​ສະໜາມຮັງ​ນົກ​ທີ່​ສະຫງ່າ​ງາມ​ໄດ້​ສ້າງ​ສຳ​ເລັດ​ໃນ​ຂັ້ນ​ພື້ນຖານ​ແລ້ວ, ທ່ານລີ​ຈິວ​ລິນ ຮອງ​ວິ​ສາວະ​ກອນ​ໃຫຍ່​ທີ່​ຮັບຜິດຊອບ​ວຽກ​ງານ​ການກໍ່​ສ້າງບອກ​ວ່າ, ການ​ໃຊ້​ເຕັກນິກ​ໃໝ່​, ວັດຖຸ​ກໍ່ສ້າງ​ໃໝ່​ແລະ​ລະບຽບ​ໃໝ່​ຫຼວງຫຼາຍ​ແມ່ນ​ຈຸດ​ພິ​ເສດ​ຂອງການ​ສ້າງ​ສະໜາມກິລາຮັງ​ນົກ.

ຫຼັງຈາກ​ງານ​ກິລາ​ໂອ​ລິ​ມປິກປັກ​ກິ່ງ, ສະໜາມກິລາ​ແຫ່ງ​ຊາດ​ຈະ​ກາຍ​ເປັນສະໜາມ​​ແຂ່ງຂັນ​ຕົ້ນຕໍ​ຂອງ​ສະ​ໂມ​ສອນ​ບານ​ເຕະ​ກົວ​ອ່ານ​ປັກ​ກິ່ງ, ​ທັງ​ເປັນ​ບ່ອນປະຊຸມ​ດ້ານ​ທຸລະ​ກິດ, ສູນ​​ອອກກຳລັງກາຍ​​ແລະບັນ​ເທີ​ງ. ທ່ານ​ຈ່າ​ງ​ເຮີງ​ລີ້ ຮອງ​ຜູ້ອຳນວຍການ​ໃຫຍ່​ຂອງ​ບໍລິສັດ​ສະໜາມກິລາ​ແຫ່ງ​ຊາດ​ຈຳກັດ​​ແຈ້ງ​ໃຫ້​ຊາບວ່າ:

​ເມື່ອ​ງານ​ກິລາ​ໂອ​ລິ​ມປິກ​ປັກ​ກິ່ງ​ປີ 2008 ສິ້ນ​ສຸດ​ລົງ​ແລ້ວ, ພວກ​ເຮົາ​ຈະ​ສ້າງສິ່ງ​ກໍ່ສ້າງ​ແລະຈັດ​ໃຫ້​ມີ​ກິດຈະການ​ດ້ານ​ການ​ຄ້າຈຳນວນ​ໜຶ່ງ, ​ເຊິ່ງລວມທັງ​ຫ້ອງ​ພິ​ເສດ, ​ໂຮງ​ແຮມ, ການ​ແຂ່ງຂັນ​ກິລາເປັນ​ຕົ້ນ, ສ້າງ​​ເງື່ອນ​ໄຂ​ເພື່ອນຳ​ໃຊ້​ສະໜາມແຂ່ງຂັນຫຼັງການ​ແຂ່ງຂັນ​ໂອ​ລິ​ມປິກ.

​ສະໜາມ​ແຂ່ງຂັນ​ທີ່ຢູ່​ໃກ້​ກັບສະໜາມກິລາ​ແຫ່ງ​ຊາດ​ຮັງ​ນົກ​ແມ່ນ​ສູນ​ລອຍ​ນ້ຳ​ແຫ່ງ​ຊາດ——​​ເມັດ​ນ້ຳ, ຢູ່​ນີ້​ຈະ​ຈັດການ​ລອຍ​ນ້ຳ, ​​ໂດດ​ນ້ຳ​, ບານ​ນ້ຳ​ແລະ​ການ​ແຂ່ງຂັນ​ອື່ນໆ​ຂອງ​ງານ​ກິລາ​ໂອ​ລິ​ມປິກ​ປັກກິ່ງ​. ​ສະໜາມ​ແຂ່ງຂັນ​ຄອຍ​ນ້ຳ​ແຫ່ງ​ນີ້​ແມ່ນ​ເປັນພຽງ​ແຫ່ງ​ດຽວ​ທີ່​ຄະນະ​ກຳມະການ​ຈັດ​ງານ​ກິລາ​ໂອ​ລິ​ມປິກ​ປັກ​ກິ່ງ​ອະນຸຍາດ​ໃຫ້ຮັບເງິນບໍລິຈາກຂອງພີ່ນ້ອງຮົງກົງ, ມາກາວ, ​​ໄຕ້​ຫວັນ​ແລະ​ຊາວ​ຈີນ​ຕ່າງ​ດ້າວ​ຢູ່​ຕ່າງປະ​ເທດ, ສ່ວນ​ຮູບ​ຮ່າງ​ທັງ​ນອກ​ທີ່​ເປັນ​ສີຟ້າ​ນັ້ນດຶງ​ດູດ​ສາຍຕາ​ຄົນຫຼາຍ.

​ທຳ​ອິດ, ​ໃນ​ເວລາ​ອອກ​ແບບ​ສູນ​ລອຍ​ນ້ຳ​ແຫ່ງ​ຊາດ, ຜູ້​ອອກ​ແບບ​ກໍ​ຢາກ​ສະທ້ອນ​ໃຫ້​ເຫັນ​ບົດບາດການນຳ​ໃຊ້​ຂອງ​ມັນ. ສຸດ​ທ້າຍ, ຈຶ່ງ​ໄດ້​ອອກ​​ແບບເປັນ​​ເມັດ​ນ້ຳ, ທ່ານ​ວາງ​ມິນ ຜູ້​ອອກ​ແບບ​ສູນ​ລອຍ​ນ້ຳ​​ເມັດ​ນ້ຳ​​ເວົ້າ​ສູ່​ຟັງວ່າ:

ທຳ​ອິດ, ພວກ​ເຮົາ​ກຢາກ​ສະທ້ອນ​ໃຫ້​ເຫັນ​ບົດບາດ​ການ​ນຳ​ໃຊ້, ​​ເມື່ອໄດ້​ຜ່ານ​​ເວລາ​ດົນ​ນານ​ແລ້ວ, ສຸດ​ທ້າຍ, ຈຶ່ງ​ໄດ້​ມີ​ວິທີ​ສະ​ແດງ​ແບບ​ນີ້. ​ໂຄງ​ສ້າງຂອງ​ມັນ​ແມ່ນ​ຄ້າຍຄື​​ກັບ​ອົງ​ປະກອບ​ຂອງ​ໂມ​ເລ​ກຸນ​ຂອງ​ນ້ຳ​ໃນ​ທາງ​ຈຸນລະ​ພາກ, ພວກ​ເຮົາ​ໄດ້​​ໃນ​ໃຊ້​​ໂຄງສ້າງ​ດັ່ງກ່າວ​ເປັນ​ໂຄງ​ຮ່າງ​ຂອງ​ສິ່ງ​ກໍ່ສ້າງ​ແຫ່ງ​ນີ້.

ນອກຈາກ​ມີ​ຈຸດ​ພິ​ເສດ​ພົ້ນ​ເດັ່ນ​ໃນ​ດ້ານ​ການ​ອອກ​ແບບ​ແລະ​ກໍ່ສ້າງ, ​ແລະ​ໄດ້​ຄຳນຶງ​ເຖິງ​ການ​ນຳ​ໃຊ້​ພາຍຫຼັງການ​ແຂ່ງຂັນ​ຢ່າງ​ເຕັມ​ສ່ວນ​ແລ້ວ, ສະໜາມແຂ່ງຂັນ​ງານ​ກິລາ​ໂອ​ລິ​ມປິກ​ປັກ​ກິ່ງ​ຍັງ​ໄດ້​ສະ​ແດງ​ໃຫ້​ເຫັນທັດສະນະ​ຄະຕິແຫ່ງ "ງານ​ກິລາ​​ໂອ​ລິ​ມປິກ​ສີ​ຂຽວ" ​ແລະ "ງານ​ກິລາ​ໂອ​ລິ​ມປິກ​ເຕັກນິກ", ບ່ອນ​ແຂ່ງຂັນ​ເຮືອ​ໃບ​ຊິ່ງຕາວ​ທີ່​ຈະ​ຈັດ​ການ​ແຂ່ງຂັນ​ເຮືອ​ໃບ​ຂອງ​ງານ​ກິລາ​ໂອ​ລິມປິກ​ປັກ​ກິ່ງ​ກໍ່​​ມີ​ລັກສະນະຕົວ​ແທນຫຼາຍ. ສູນ​ເຮືອ​ໃບ​ໂອ​ລິ​ມປິກນະຄອນ​​ຊີ່​ງຕາວຕັ້ງ​ຢູ່ອ່າວ​ຟູ​ຊ່ານ​​ ​ເມືອງ​ໃໝ່​ຂອງ​ນະຄອນຊິ່ງຕາວ​ພາກ​ຕາ​ເວັນ​ອອກ​ຂອງ​ຈີນ, ກວມ​ເນື້ອ​ທີ່​ປະມານ 45 ​ເຮັກຕາ. ​ທັດສະນະ "​ໂອ​ລິ​ມປິກ​ສີຂຽວ" ​ໄດ້​ສະ​ແດງ​ອອກ​​ໃນ​​ແຕ່​ລະ​ບ່ອນຂອງ​ສູນ​ເຮືອ​ໃບ​ດັ່ງກ່າວ.

ສະໜາມແຂ່ງຂັນ​ກິລາ​ບາງ​ແຫ່ງ​ທີ່​ໄດ້​ແນະນຳ​ມາ​ນັ້ນ​ພຽງ​ແຕ່​ເປັນ​ພາບ​ລວມຂອງ​ສະໜາມ​ແຂ່ງຂັນ​ກິລາ​ຂອງ​ງານ​ກິລາ​ໂອ​ລິ​ມປິກ​ປັກ​ກິ່ງ​​ເທົ່າ​ນັ້ນ, ນັບ​ແຕ່​ວັນ​ທີ 13 ກໍລະ​ກົດ​ປີ 2001 ທີ່​ຄະນະ​ກຳມະການ​​ໂອ​ລິ​ມປິກ​ສາກົນ​ມອບ​ສິດ​ຈັດ​ງານ​ກິລາ​ໂອ​ລິ​ມປິກ​ລະດູ​ຮ້ອນ​ຄັ້ງ​ທີ 29 ​​ໃຫ້​ປັກ​ກິ່ງ​​ເປັນ​ຕົ້ນ​ມາ, ປັກ​ກິ່ງ​ກໍ່​ໄດ້​ວາງ​ແຜນການ​ກະກຽມ​ລະອຽດ, ​ແລະ​ປະຕິ​ບັດ​ເປັນ​ກ້າວໆ. ​ນັບແຕ່​ທ້າຍ​ປີ 2003 ​ເປັນ​ຕົ້ນ​ມາ, ການ​ສ້າງ​ແລະ​ປັບປຸງ​ສະໜາມກິລາ​ໂອ​ລິ​ມປິກ​ປັກ​ກິ່ງ​ກໍ່​​ໄດ້​ເລີ່​ມຕົ້ນ​ຕາມໆກັນ, ​ແຜນການ​ກຳລັງ​ກາຍ​ເປັນຄວາມ​ຈິງ. ທ່ານ​ຮານ ​​ເວີບຼູ​ເກັນ ປະທານ​ຄະນະ​ກຳມະການ​ປະສານ​ງານ​ຂອງ​ງານ​ກິລາ​ໂອ​ລິ​ມປິກ​ລະດູ​ຮ້ອນ​ຄັ້ງ​ທີ 29 ຂອງຄະນະ​ກຳມະການ​ໂອ​ລິ​ມປິກ​ສາກົນ​ໄດ້​ຕີ​ລາຄາ​ຢ່າງ​ຕັ້ງໜ້າ​ຕໍ່​ກາ​ນສ້າງສະໜາມກິລາ​ຂອງ​ງານ​ກິລາ​​ໂອ​ລິ​ມປິ​ກປັກ​ກິ່ງ, ທ່ານ​ກ່າວ​ວ່າ:

ຂ້າພ​ະ​ເຈົ້າ​ດີ​ໃຈຫຼາຍ, ການ​ສ້າງ​ສະໜາມ​ແຂ່ງຂັນ​ກິລາ​​ເຫຼົ່ານີ້​ກຳລັງ​ດຳ​ເນີນ​​ໄປ​ຕາມ​ແຜນການ​ທີ່​ວາງ​ໄວ້ຢ່າງ​ຖືກຕ້ອງ, ໝາຍ​ຄວາມ​ວ່າ, ​ໂຄງການ​ກຳລັງ​ດຳ​ເນີນ​​ໄປຕາມ​ແຜນການ​ຢ່າງ​​ເຄັ່ງ​ຄັດ​ແລະ​ໄປ​ຕາມ​ທິດ​ທີ່ຖືກຕ້ອງ. ສະ​ນັ້ນ, ​ເມື່ອ​ຂ້າ​ພະ​​ເຈົ້າ​ໄດ້​ເຫັນ​ໂຄງການ​ເຫຼົ່ານີ້​ກຳລັງ​ກາຍ​ເປັນ​​ຈິງ, ຮູ້ສຶກ​ຕື່ນ​ເຕັ້ນຫຼາຍ.

ທ່ານ​ຜູ້​ຟັງ​ທີ່​ເຄົາລົບ, ລາຍການ​ພາກ​ນີ້​ກໍ່​ສ້ຽງ​ສຸດ​ລົງ​ພຽງ​ທໍ່ນີ້, ຄຳ​ຖາມ​ຂອງ​ລາຍການ​ມື້​ນີ້​ກໍ່​ຄື: ໜຶ່ງ, ງານ​ກິລາ​ໂອ​ລິ​ມປິກ​ປັກ​ກິ່ງ​ຕ້ອງການສະໜາມ ແຂ່ງຂັນ​ຈັກ​ແຫ່ງ? ສອງ, ສະໜາມ​ກິລາ​ໃດ​ທີ່​ຈະ​ຈັດ​ພິທີ​ປໄຂ​ແລະອັດ​ງານ​? ຂອບ​ໃຈ​ທີ່​ຮັບ​ຟັງ, ສະບາຍດີ!