ຕາມ​ຂ່າວ CRI: ວັນ​ທີ 18 ທັນວາ​ນີ້, ຜູ້​ສັນທັດ​ກໍລະນີ​ປາ​ເລັສຕິນ​ໄດ້​ຢືນ​ຢັນ​ວ່າ, ​ແຕ່​ຕອນ​ຄ່ຳ​ວັນ​ທີ 17 ທັນວາ​ເປັນຕົ້ນມາ, ກອງ​ທະຫານ​ອິສຣາ​ແອນ​ໄດ້​ດຳ​ເນີນ​ການ​ເຄື່ອນ​ໄຫວ​ທາງ​ການ​ທະ​ຫານຕ່າງໆ ​ເພື່ອ​ໂຈມ​ຕີ​ອົງການ​ຈີ​ຮາດ, ​ໄດ້​ຍິງ​ສະມາຊິກ​ອົງ​ການ​ດັ່ງ​ກ່າວ​ຕາຍ 10 ຄົນ.

​ໂຄສົກ​ອົງການ​ຈີ​ຮາດ​ໄດ້​ກ່າວ​ວ່າ, ອົງການ​ນີ້ຈະ​ແກ້​ແຄ້ນ​ຕໍ່​ອິສຣາ​ແອນ.

ວັນ​ທີ 18 ທັນວາ​ນີ້, ທ່ານ​ມາ​​ແຕນ ວິນ​​​ເນ​ວ ລັດຖະມົນຕີ​ຊ່ວຍ​ວ່າການ​ກະ​ຊວງ​ປ້ອງ​ກັນ​ປະ​ເທດ​ອິສຣາ​ແອນ​ກ່າວ​ວ່າ, ​ໃນ 2 ປີ​ມາ​ນີ້​ ອົງການ​ຈີ​ຮາດ​ແມ່ນ​ໜຶ່ງ​ໃນ​ອົງ​ການ​ປະ​ກອບ​ອາວຸດ​ຫົວ​ຮຸນ​ແຮງ​ທີ່​ສຳຄັນ​ຂອງ​ປາ​ເລັສຕິນ ​ໄດ້ຍິງ​ລູກ​ສອນ​ໄຟ​ໂຈມ​ຕີ​ພາກ​ໃຕ້​ອິສ​ຣາ​ແອນ​, ກອງ​ທະຫານ​ອິສຣາ​ແອນ​ພວມ​ດຳ​ເນີນ​ການ​ເຄື່ອນ​ໄຫວ​ກຳຈັດ​ຜູ້ນຳ​ຂອງ​ອົງ​ການ​ດັ່ງ​ກ່າວ.