ຕາມ​ຂ່າວສານ​ຊິນ​ຮວາ: ຫວ່າງ​ບໍ່​ດົນ​ນີ້ ນັກບູຮານຄະດີຂອງ​ໄທ​ໄດ້​ຄົ້ນພົບ​ຊາກ​ຫີນ​ກະ​ປອມ​ຍັກ​ ຫຼືໄດໂນເສົາຈຳນວນ​ໜຶ່ງ ຢູ່​ຈັງຫວັດ​ນະຄອນ​ລາດຊະ​ສີມາ ທາງ​ພາກ​ອີ​ສານ​ຂອງ​ໄທ, ​ໃນ​ນັ້ນລວມທັງ​ຊາກ​ຫີນ​ຊະນິດອາ​ໂລຊໍຣຸສ ທີ່​ຄົ້ນພົບ​ຢູ່​ໄທ​ເປັນຄັ້ງ​ທຳ​ອິດ.

ອາ​ໂລຊໍຣຸສ​ແມ່ນ​ກະປອມ​ຍັກ​ປະ​ເພດ​ກິນຊີ້ນ​ທີ່​ມີ​ຊີວິດ​ຢູ່​ໃນ​ສະ​ໄໝ​ລະບົບ​ຢູລາ, ຖ້າ​ມັນ​ຢືນ​ຂຶ້ນຈະ​ສູງ​ເຖິງ 10 ​ແມັດ. ​ຊາກ​ຫີນແຂ້ວ​ຂອງ​ມັນຈຳນວນ​ໜຶ່ງ​ທີ່​ຄົ້ນ​ພົບ​ຢູ່​ຈັງ​ຫວັດ​ນະ​ຄອນ​ລາດຊະ​ສີມາຍາວເຖິງ 10 ຊັງ​ຕີ​ແມັດ, ນີ້​ກໍ​ແມ່ນ​ຊາກ​ຫີນ​ກະ​ປອມ​ຍັກ​ປະ​ເພດ​ກິນ​ຊີ້ນ​ໃຫຍ່​ກວ່າ​ໝູ່​ທີ່​ພົບ​ເຫັນ​ໃນ​ປະ​ເທດ​ໄທ​ຈົນ​ຮອດ​ປັດ​ຈຸ​ບັນ.

​ໃນ​ຫຼາຍ​ປີ​ກ່ອນ, ນັກບູຮານຄະດີຂອງ​ໄທ​ຍັງ​ຄົ້ນພົບ​ຊາກ​ຫີນ​ຢ່າງ​ຫຼວງ​ຫຼາຍ​ຢູ່​ຈັງ​ຫວັດ​ຂອນ​ແກ່ນ​ທີ່​ໃກ້​ກັບ​ຈັງຫວັດ​ນະຄອນ​ລາດຊະ​ສີມາ, ​ໃນ​ນັ້ນມີຊາກ​ຫີນກະ​ປອມ​ຍັກ 1000 ກວ່າ​ອັນ, ​ໄທ​ເຄີຍ​ເຊື້ອ​ເຊີນ​ນັກບູຮານຄະດີ​ຈີນ​ແລະ​ຍີ່ປຸ່ນ​ໄປ​ຄົ້ນຄວ້າ​ເພື່ອ​ຢືນ​ຢັນ.