|
ຕາມຂ່າວ CRI: ວັນທີ 19 ທັນວານີ້, ນັກຂ່າວໄດ້ຊາບຈາກກອງປະຊຸມວຽກງານການເງິນທົ່ວປະເທດຈີນທີ່ຈັດຂຶ້ນຢູ່ທີ່ປັກກິ່ງວ່າ, ປີໜ້າ, ຈີນຈະສືບຕໍ່ປະຕິບັດນະໂຍບາຍການເງິນທີ່ໝັ້ນທ່ຽງ.
ໃນກອງປະຊຸມ, ທ່ານເຊ້ຊີ້ເຢີນ ລັດຖະມົນຕີວ່າການກະຊວງການເງິນຈີນຊີ້ອອກວ່າ, ປີໜ້າ ຈີນຈະປັບປຸງແລະຈັດຕັ້ງປະຕິບັດນະໂຍບາຍການເງິນທີ່ໝັ້ນທ່ຽງ, ເພີ່ມທະວີການປະສານສົມທົບກັນກັບນະໂຍບາຍເງິນຕາ, ຮັກສາທ່ວງທ່າທີ່ດີຂອງການພັດທະນາເສດຖະກິດໃຫ້ໝັ້ນທ່ຽງແລະອ່າວໄວ, ພະຍາຍາມປ້ອງກັນບໍ່ໃຫ້ການເຕີບໂຕຂອງເສດຖະກິດຈາກສະພາບອ່າວໄວຫັນເປັນສະພາບຮ້ອນເກີນໄປ, ປ້ອງກັນບໍ່ໃຫ້ລາຄາເພີ່ມຂຶ້ນແບບໂຄງປະກອບຫັນເປັນໄພເງິນເຟີ້.
ທ່ານຍັງກ່າວວ່າ, ປີໜ້າ, ການເງິນສູນກາງຈະເພີ່ມທະວີແລະປັບປຸງນະໂຍບາຍສະໜູບສະໜູນກະສິກຳແລະໃຫ້ຊາວກະສິກອນໄດ້ຮັບຜົນປະໂຫຍດ, ອອກແຮງສະໜັບສະໜູນການພັດທະນາວຽກງານສັງຄົມ ເຊັ່ນ ການສຶກສາ ສາທາລະນະສຸກ ແລະການປະກັນສັງຄົມເປັນຕົ້ນ, ເພີ່ມການສະໜັບສະໜູນການປະດິດສ້າງໃໝ່ດ້ານວິທະຍາສາດ ການປະຢັດພະລັງງານແລະຫຼຸດການລະບາຍອາຍພິດເຮືອນແກ້ວ.
|
