|
ຕາມຂ່າວສານຊິນຮວາ: ວັນທີ 20 ທັນວານີ້, ຂ່າວສານຊິນຮວາໄດ້ພິມບົດຄວາມທີ່ມີຫົວຂໍ້ວ່າ" ພັດທະນາປະຊາທິປະໄຕຂັ້ນພື້ນຖານ, ຮັບປະກັນໃຫ້ປະຊາຊົນມີສິດປະຊາທິປະໄຕຫຼາຍກວ່າເກົ່າແລະຕິດແທ້ຕົວຈິງກວ່າເກົ່າ"
ບົດຄວາມຂຽນວ່າ, ບົດລາຍງານຂອງກອງປະຊຸມໃຫຍ່ຄັ້ງທີ 17 ຂອງພັກກອມມູນິດຈີນຖືການ ພັດທະນາປະຊາທິປະໄຕຂັ້ນພື້ນຖານ, ຮັບປະກັນໃຫ້ປະຊາຊົນມີສິດປະຊາທິປະໄຕຫຼາຍກວ່າເກົ່າແລະຕິດແທ້ຕົວຈິງກວ່າເກົ່າເປັນໜ້າທີ່ສຳຄັນໜຶ່ງຂອງການກໍ່ສ້າງລະບົບການເມືອງສັງຄົມນິຍົມເປັນຄັ້ງທຳອິດ, ແລະຮຽກຮ້ອງໃຫ້ປະຕິບັດວຽກງານດັ່ງກ່າວເປັນໂຄງການພື້ນຖານຂອງການພັດທະນາການເມືອງປະຊາທິປະໄຕສັງຄົມນິຍົມ.
ບົດຄວາມຂຽນວ່າ, ນີ້ໄດ້ສະແດງໃຫ້ເຫັນຄວາມເອົາໃຈໃສ່ໃນລະດັບສູງຂອງພັກກອມມູນິດຈີນໃນການພັດທະນາປະຊາທິປະໄຕຂັ້ນພື້ນຖານ, ສອດຄ່ອງກັບຄວາມຕ້ອງການດ້ານພາວະວິໄສຂອງປະຊາຊົນທັງຫຼາຍທີ່ເຂົ້າຮ່ວມການເມືອງຢ່າງເປັນລະບົບ, ແລະມີຄວາມໝາຍສຳຄັນຕໍ່ການຊຸກຍູ້ການກໍ່ສ້າງການເມືອງປະຊາທິປະໄຕສັງຄົມນິຍົມ, ຮັບປະກັນຖານະທາງການເມືອງຂອງປະຊາຊົນທີ່ເປັນເຈົ້າຢ່າງແທ້ຈິງ.
|
