|
ຕາມຂ່າວສານຊິນຮວາ: ວັນທີ 19 ທັນວານີ້, ຂ່າວສານອິຕາ-ຕັສຣັດເຊຍລາຍງານວ່າ, ຫວ່າງມໍ່ໆນີ້ ທ່ານວຼາດີເມຍ ປູຕິນ ປະທານາທິບໍດີຣັດເຊຍໄດ້ໃຫ້ສຳພາດຕໍ່ວາລະສານ "ໄທມສ໌" ລາຍສັບປະດາຂອງອາເມລິກາ, ທ່ານກ່າວວ່າ, ການພົວພັນລະຫວ່າງຣັດເຊຍກັບຈີນພວມຢູ່ໃນລະດັບດີທີ່ສຸດທີ່ບໍ່ເຄີຍມີມາກ່ອນ, ຫວັງວ່າທັງສອງປະເທດຈະຮັກສາການພົວພັນແນວນີ້ຕໍ່ໄປ.
ທ່ານປູຕິນກ່າວວ່າ, ຄຸນນະພາບຂອງການພົວພັນ ແລະລະດັບການຮ່ວມມືລະຫວ່າງຣັດເຊຍຈີນ ໄດ້ບັນລຸລະດັບສູງທີ່ບໍ່ເຄີຍມີມາກ່ອນ. ຈີນພວມພະຍາຍາມສຸດຂີດ ເພື່ອຮັກສາລະດັບສູງຂອງການພົວພັນລະຫວ່າງສອງປະເທດ, ຝ່າຍຣັດເຊຍກໍຖະນຸຖະໜອມການພົວພັນແບບນີ້, ແລະກໍພະຍາຍາມປະສານສົມທົບຢ່າງຕັ້ງໜ້າ. ຝ່າຍຣັດເຊຍຮູ້ສຶກເພິ່ງພໍໃຈທີ່ສຸດຕໍ່ການພົວພັນລະຫວ່າງສອງປະເທດໃນປັດຈຸບັນ, ຫວັງວ່າການພົວພັນລະຫວ່າງສອງປະເທດຈະຂະຫຍາຍຕົວຕໍ່ໄປ.
|
