ຕາມ​ຂ່າວສານ​ຊິນ​ຮວາ: ວັນ​ທີ 19 ທັນວາ​ນີ້, ຜູ້​ຕາງໜ້າພະ​ແນ​ກ​ທ່ອງ​ທ່ຽວຂອງ​ອົງ​ການ​ປົກ​ຄອງ​ເຂດ​ບໍລິຫານ​ພິ​ເສດ​ມາ​ກາວ​ຈີນປະຈຳ​ມາ​ເລ​ເຊຍ​ກ່າວ​ວ່າ, ນັບ​ແຕ່​ເດືອນ​ມັງ​ກອນ​ຫາ​ເດືອນ​ພະຈິກ​ປີ​ນີ້, ຊາວ​ມາ​ເລ​ເຊຍ​ໄປ​ທ່ຽວມາ​ກາວມີ 3 ​ແສນ 4 ໝື່ນ​ກວ່າ​ເທື່ອ​ຄົນ, ​ເພີ່ມ​ຂຶ້ນ 97,3% ​ເມື່ອ​ທຽບ​ໃສ່​ໄລຍະ​ດຽວ​ກັນ​ຂອງ​ປີ​ກາຍ.

ປັດຈຸບັນ, ມາ​ເລ​ເຊຍ​ມີ​ນັກ​ທ່ອງ​ທ່ຽວ​ໄປ​ທ່ຽວມາ​ກາວ​​ເປັນອັນ​ດັບ​ທີ 4. ປີ​ນີ້ ຊາວ​ມາ​ເລ​ເຊຍ​ໄປ​ທ່ຽວ​ມາ​ກາວ​ຄາດ​ວ່າ​ຈະ​ບັນລຸ 4 ​ແສນ​ເທື່ອ​ຄົນ, ມາ​ກາວ​ຫວັງ​ວ່າ​ຈະ​ສາ​ມາດ​ດຶງ​ດູດ​ຊາວ​ມາ​ເລ​ເຊຍ​ມາ​ທ່ຽວ​ຫຼາຍ​ກວ່າ 5 ​ແສນ 6 ໝື່ນ​ເທື່ອ​ຄົນ​ໃນປີ​ໜ້າ.