|
|
 |
| (GMT+08:00)
2007-12-20 18:34:43
|
 |
|
ຫາງສຽງມາກາວຮັບຮອງຢ່າງເຕັມທີ່ຕໍ່ຜົນສຳເລັດຂອງມາກາວໃນ 8 ປີພາຍຫຼັງກັບຄືນສູ່ປະເທດຊາດແລ້ວ
cri
Author: cai
ຕາມຂ່າວສານຊີນຮວາ:ວັນທີ 20 ທັນວານີ້ແມ່ນວັນລະລຶກມາກາວກັບຄືນສູ່ປະເທດຊາດຄົບຮອບ 8 ປີ,ມື້ດຽວກັນ,ໜັງສືພິມສຳຄັນຕ່າງໆຂອງມາກາວໄດ້ພາກັນພິມບົດຄວາມ,ຮັບຮອງຢ່າງເຕັມທີ່ຕໍ່ຜົນສຳເລັດຂອງມາກາວໃນ 8 ປີພາຍຫຼັງກັບຄືນສູ່ປະເທດຊາດແລ້ວ.
ບົດຄວາມຂອງໜັງສືພິມ"ຕ້າຈູ້ງປ້າວ"ຂຽນວ່າ,ການທີ່ມາກາວໄດ້ຮັບຜົນສຳເລັດຄືປະຈຸບັນນີ້,ແມ່ນຍ້ອນພະລັງຊີວິດອັນແຂງແຮງຂອງນະໂຍບາຍ"ປະເທດດຽວສອງລະບອບ",ການສະໜັບສະໜູນຢ່າງແຂງແຮງຂອງລັດຖະບານກາງແລະແຂວງ ກຳແພງນະຄອນແລະເຂດປົກຄອງຕົນເອງຕ່າງໆພາຍໃນປະເທດຈີນພ້ອມດ້ວຍຄວາມພະຍາຍາມຮ່ວມຂອງປະຊາຊົນມາກາວ.
ໜັງສືພິມ"ຊື້ມີນຢື້ປ້າວ"ພິມບົດຄວາມວິຈານຂຽນວ່າ,ຜົນສຳເລັດໃນການພັດທະນາສັງຄົມຂອງມາກາວໃນປະຈຸບັນນີ້,ນອກຈາກແມ່ນຄວາມພະຍາຍາມຂອງອົງການປົກຄອງເຂດບໍລິຫານພິເສດແລ້ວ,ຍິ່ງຕັດແຍກອອກຈາກການສະໜັບສະໜູນຂອງລັດຖະບານກາງບໍ່ໄດ້,ກໍ່ຕັດແຍກອອກຈາກບໍ່ໄດ້ກັບລະບອບ"ປະເທດດຽວສອງລະບອບ"ທີ່ມີພະລັງຊີວິດອັນແຂງແຮງແລະ"ຊາວມາກາວປົກຄອງມາກາວ" ປົກຄອງໂດຍຕົນເອງໃນລະດັບສູງພ້ອມດ້ວຍພາລະບົດບາດດ້ານກົດໝາຍທີ່ພັດທະນາມາກາວຢ່າງໜັກແໜ້ນຕາມກົດໝາຍພື້ນຖານ.
|
|
|
