|
|
 |
| (GMT+08:00)
2007-12-21 17:50:45
|
 |
|
ຈີນເປີດບັ້ນພັດທະນາເຂດແຄມທະເລແລະເຂດແຄມແມ່ນ້ຳຮອບໃໝ່
cri
Author: lm
|
ຕາມຂ່າວສານຊິນຮວາ: ປັດຈຸບັນ, ຈີນພວມເປີດບັ້ນພັດທະນາເຂດແຄມທະເລແລະເຂດແຄມແມ່ນ້ຳຮອບໃໝ່. ເພື່ອເພີ່ມການກໍ່ສ້າງພັດທະນາແມ່ນ້ຳຢາງເຊ ທີ່ເປັນ "ທາງເດີນເຮືອຄຳ" , ໃນໄລຍະມໍ່ໆນີ້, ຈີນໄດ້ວາງແຜນກໍ່ສ້າງແມ່ນ້ຳຢາງເຊທາງເດີນເຮືອ. ຕາມແຜນການດັ່ງກ່າວ, ພາຍໃນເວລາ 5 ປີ, ກະຊວງຄົມມະນາຄົມຈີນຈະໃຊ້ງົບປະມານ 15 ຕື້ຢວນເຂົ້າໃນການກໍ່ສ້າງທາງເດີນເຮືອແລະທ່າເຮືອຕາມແມ່ນ້ຳຢາງເຊ. ຂະນະດຽວກັນ, ໂຄງການອຸດສາຫະກຳນ້ຳມັນເຊື້ອໄຟແລະອາຍແກັດສ໌ທຳມະຊາດເຄມີຂະໜາດໃຫຍ່ຈຳນວນໜຶ່ງ ຢູ່ເຂດອ່າວພາກເໜືອທະເລຈີນໃຕ້ ກໍເລີ່ມດຳເນີນໄປນຳກັນ, ສະເລ່ຍແລ້ວ ແຕ່ລະມື້, ມີທຶນນັບຮ້ອຍລ້ານຢວນໄດ້ໃຊ້ເຂົ້າໃນເຂດອຸດສາຫະກຳເສົາເຟິ່ຍແຕ້ນທະເລປໍໄຫ, ເຂດໃໝ່ປິ່ນໄຫທຽນສິນ ພວມກ້າວໄປສູ່ເປົ້າໝາຍທີ່ເປັນສູນຂົນສົ່ງທາງເຮືອສາກົນ ແລະສູນຈໍລະຈອນສິນຄ້າສາກົນ ຢູ່ພາກເໜືອຈີນ, ເຂດເສດຖະກິດອຸດສາຫະກຳທີ່ຈະເລີນໃໝ່ຈຳນວນໜຶ່ງໄດ້ເລີ່ມເປັນຮູບຮ່າງໃນເບື້ອງຕົ້ນ.
|
|
|
