|
|
 |
| (GMT+08:00)
2007-12-21 18:30:24
|
 |
|
ລັດຖະບານຈີນຈະລົງທຶນຈຳນວນຫຼວງຫຼາຍເພື່ອຊຸກຍູ້ໃຫ້ເສດຖະກິດແລະສັງຄົມເຂດຕິເບດພັດທະນາ
cri
Author: cai
ຕາມຂ່າວສານຊີນຮວາ:ນັບແຕ່ປີ 2006 ຫາປີ 2010,ລັດຖະບານຈີນຈະລົງທຶນ 70 ຕື້ກວ່າຢວນ,ສ້າງ 180 ໂຄງການຢູ່ເຂດຕິເບດ,ເພື່ອຊຸກຍູ້ໃຫ້ເສດຖະກິດແລະສັງຄົມເຂດຕິເບດພັດທະນາແບບກ້າວກະໂດດ.
ໃນກອງປະຊຸມວຽກງານຄະນະກຳມະການການພັດທະນາແລະການປະຕິຮູບເຂດປົກຄອງຕົນເອງຕິເບດທີ່ຈັດຂຶ້ນຢູ່ເມືອງລາຊາໃນວັນທີ 20 ທັນວານີ້,ນັກຂ່າວໄດ້ຮູ້ວ່າ,180 ໂຄງການຢູ່ໃນແຜນການໄດ້ກວມຂົງເຂດອັນກວ້າງຂວາງ ມີຜົນສະທ້ອນຕໍ່ເສດຖະກິດແລະສັງຄົມຢ່າງຫຼວງຫຼາຍ.ໃນນັ້ນ,ມີໂຄງການຄົມມະນາຄົມສຳຄັນເຊັ່ນເດີ່ນຍົນອາຫຼີທີ່ສາມາດປັບປຸງເງື່ອນໄຂພື້ນຖານໂຄງລ່າງເຂດຕິເບດໃຫ້ດີຂຶ້ນຢ່າງຫຼວງຫຼາຍແລະສາຍຕໍ່ທາງລົດໄຟຊີ່ງຫາຍຕິເບດເປັນຕົ້ນ,ຍັງມີໂຄງການຄວາມປອດໄພນ້ຳດື່ມຢູ່ຊົນນະບົດ ການສ້າງກະແສໄຟຟ້າຢູ່ເຂດບໍ່ມີໄຟຟ້າແລະໂຄງການພື້ນຖານໂຄງລ່າງຢູ່ເຂດທີ່ຊາວກະສິກອນແລະລ້ຽງສັດເຕົ້າໂຮມກັນເປັນຕົ້ນທີ່ມີຈຸດປະສົງເພື່ອປ່ຽນເງື່ອນໄຂການຜະລິດແລະການດຳລົງຊີວິດຂອງເຂດກະສິກຳແລະລ້ຽງສັດ.ໃນນັ້ນ,ມີທຶນ 10 ຕື້ກວ່າຢວນໄດ້ລົງເຂົ້າໃນໂຄງການການສຶກສາ ການປະກັນສັງຄົມແລະການຮັກສາໃຫ້ຊີວະພາບດຸນດຽງກັນເປັນຕົ້ນ.ນັບມາຮອດປະຈຸບັນ,ໃນ 180 ໂຄງການນີ້,ມີເກືອບ 80% ໄດ້ເລີ່ມດຳເນີນແລ້ວ.
|
|
|
