|
ອາເມລິກາກ່າວວ່າ,ຈີນແມ່ນຄູ່ຮ່ວມມື,ບໍ່ແມ່ນໄພຂົ່ມຂູ່
cri
Author: shuo
ຕາມຂ່າວສານຊິນຮວາ:ໜັງສືພິມລັອດແອນເຈີລິສ ໄທມ໌ຂອງອາເມລິກາສະບັບວັນທີ22ທັນວານີ້ລາຍງານວ່າ,ຈີນທີ່ເປັນປະເທດເສດຖະກິດໃຫຍ່ທີ່ຈະເລີນໃໝ່ນັ້ນບໍ່ຄວນຖືກຖືວ່າເປັນໄພຂົ່ມຂູ່ຂອງອາເມລິກາ,ແຕ່ຄວນຖືເປັນຄູ່ຮ່ວມມື.
ບົດລາຍງານຂຽນວ່າ,ການສຳຫຼວດສະບັບໜຶ່ງທີ່ສຳນັກງານສຳຫຼວດຄວາມເຫັນປະຊາຊົນຊັອກບີສາກົນຂອງອາເມລິກາຈັດໃນຫວ່າງມໍ່ໆນີ້ສະແດງໃຫ້ເຫັນວ່າ,ມີປະຊາຊົນອາເມລິກາຫຼາຍກວ່າເຄິ່ງໜຶ່ງມີຄວາມຮູ້ສຶກທີ່ດີຕໍ່ຈີນ,ແຕ່ໃນນັ້ນພະນັກງານລັດຖະສະພາກວມແຕ່ປະມານ30%;ແລະມີພະນັກງານລັດຖະສະພາ86%ເຂົ້າໃຈຜິດວ່າຄົນອາເມລິກາມີຄວາມເຫັນບໍ່ດີຕໍ່ຈີນ.
ບົດລາຍງານຊີ້ອອກວ່າ,ການພົວພັນລະຫວ່າງອາເມລິກາກັບຈີນບໍ່ແມ່ນການພົວພັນທີ່ຝ່າຍໜຶ່ງເອົາຊະນະຝ່າຍໜຶ່ງ.ຈີນແມ່ນຄູ່ຮ່ວມມື,ບໍ່ແມ່ນໄພຂົ່ມຂູ່.ການເຕີບໂຕຂອງເສດຖະກິດຈີນມີຜົນດີຕໍ່ການພັດທະນາເສດຖະກິດຂອງອາເມລິກາ,ການຄ້າກັບຈີນຂອງອາເມລິກາໄດ້ຊຸກຍູ້ໃຫ້GDPຂອງອາເມລິກາເຕີບໂຕ.
|
|
