|
|
 |
| (GMT+08:00)
2007-12-26 19:40:49
|
 |
|
ຈີນເລີ່ມວາງກົດໝາຍເພື່ອຮັບປະກັນຄວາມປອດໄພຂອງອາຫານ
cri
Author: shuo
ຕາມຂ່າວCRI:ວັນທີ26ທັນວານີ້,ຮ່າງກົດໝາຍວ່າດ້ວຍຄວາມປອດໄພຂອງອາ ຫານຂອງຈີນໄດ້ຍື່ນໃຫ້ຄະນະກຳມະການປະຈຳສະພາປະຊາຊົນແຫ່ງຊາດຈີນ ເຊິ່ງເປັນອົງການນິຕິບັນຍັດຂອງຈີນກວດກາພິຈາລະນາ.ອີງຕາມຮ່າງກົດໝາຍສະບັບນີ້,ຈີນຈະສ້າງຕັ້ງລະບອບຕ່າງໆ ຄືລະບອບປະເມີນຄວາມປອດໄພຂອງອາຫານແລະລະບອບຮຽກຄືນອາຫານທີ່ບໍ່ປອດໄພເປັນຕົ້ນ,ອາຫານທີ່ຈີນສົ່ງອອກກໍຕ້ອງສອດຄ່ອງກັບຄວາມຕ້ອງການຂອງປະເທດແລະເຂດແຄ້ວນທີ່ນຳເຂົ້າອາຫານເຫຼົ່ານີ້.
ຮ່າງກົດໝາຍຍຶດໝັ້ນຫຼັກການທີ່ວ່າຖືການປ້ອງກັນເປັນຫຼັກ,ສ້າງລະບຽບແບບແຜນທີ່ເຄັ່ງຄັດໃນຂອດຕ່າງໆ ຄືການຜະລິດ ປຸງແຕ່ງ ຫຸ້ມຫໍ່ ຂົນສົ່ງແລະຈຳໜ່າຍ.ຮ່າງກົດໝາຍຍັງໄດ້ບັນຈຸລະບອບກາໝາຍສິນຄ້າອາຫານແລະສຳເນົາສິນເຊື່ອດ້ານຄວາມປອດໄພຂອງວິສາຫະກິດຜະລິດອາຫານ,ແລະຕົກລົງສ້າງກົນໄກປົກປ້ອງສິດແລະຜົນປະໂຫຍດຂອງຜູ້ບໍລິໂພກທີ່ສະດວກແລະການເຜີຍແຜ່ຂໍ້ມູນຂ່າວສານດ້ານຄວາມປອດໄພຂອງອາຫານ.
ນອກນີ້,ຮ່າງກົດໝາຍຍັງໄດ້ເພີ່ມຄວາມເຂັ້ມງວດໃນການປັບໄໝການກະທຳທີ່ລະເມີດກົດໝາຍໃນການຜະລິດແລະທຸລະກິດອາຫານ.
|
|
|
