|
ປັດຈຸບັນ ເສດຖະກິດກະສິກຳຊົນນະບົດຂອງຈີນພັດທະນາຢ່າງຫມັ້ນທ່ຽງ ຜະລິດຕະພັນກະສິກຳສຳຄັນມີສະຫນອງຢ່າງພຽງພໍ
cri
ຕາມຂ່າວສານຊີນຮວາ: ວັນທີ 26 ທັນວານີ້ ທ່ານຊຸນເຈິ້ງໄຊ ລັດຖະມົນຕີວ່າການກະຊວງກະສິກຳຈີນກ່າວວ່າ, ປັດຈຸບັນ ເສດຖະກິດກະສິກຳຊົນນະບົດຂອງຈີນພັດທະນາຢ່າງຫມັ້ນທ່ຽງ,ຜະລິດຕະພັນກະສິກຳສຳຄັນເຊັ່ນທັນຍາຫານແລະອື່ນໆມີການສະຫນອງຢ່າງພຽງພໍ.
ໃນເວລາກ່າວບົດລາຍງານຂອງຄະນະລັດຖະບານກ່ຽວກັບສະພາບການຊຸກຍູ້ການກໍ່ສ້າງຊົນນະບົດໃຫມ່ສັງຄົມນິຍົມໃນກອງປະຊຸມຄະນະປະຈຳສະພາປະຊາຊົນແຫ່ງຊາດຈີນຄັ້ງທີ 31 ສະໄຫມທີ 10 ,ທ່ານຊຸນເຈິ້ງໄຊກ່າວວ່າ, ຄາດວ່າຍອດຜົນຜະລິດທັນຍາຫານໃນຫມົດປີນີ້ຈະຫລາຍກວ່າ 500 ລ້ານໂຕນ, ເພີ່ມສີ່ປີລຽນຕິດກັນ.
ທ່ານຊຸນເຈິ້ງໄຊກ່າວວ່າ, ຄາດວ່າ ລາຍໄດ້ສຸດທິຂອງຊາວກະສິກອນໃນຫມົດປີນີ້ຈະບັນລຸ 4000 ກວ່າຢວນຕໍ່ຫົວຄົນ, ເພີ່ມຂຶ້ນປະມານ 7% ໃນຕົວຈິງ.
ທ່ານກ່າວວ່າ, ເບິ່ງໂດຍລວມແລ້ວເຫັນວ່າ, ປັດຈຸບັນ ຜະລິດຕະພັນກະສິກຳສຳຄັນຂອງຈີນມີການສະຫນອງຢ່າງພຽງພໍ,ແລະມີຫລາຍຊະນິດຢ່າງອຸດົມສົມບູນ,ລະດັບຄຸນນະພາບແລະຄວາມປອດໄພຂອງຜະລິດຕະພັນກະສິກຳໄດ້ຮັບການປັບປຸງໃຫ້ດີຂຶ້ນຢ່າງເດັ່ນຊັດ,ຄຸນນະພາບກໍ່ດີຂຶ້ນຕື່ມອີກ,ໄດ້ຮັບປະກັນການສະຫນອງໃນຕະຫລາດຢ່າງພຽງພໍ.
|
|
