|
|
 |
| (GMT+08:00)
2007-12-27 18:33:41
|
 |
|
ເວທີປຶກສາຫາລືການກຸສົນຂອງພຸດທະສາສະໜາຄັ້ງທຳອິດຂອງຈີນຈັດຂຶ້ນຢູ່ປັກກິ່ງ
cri
Author: shuo
ຕາມຂ່າວCRI:ເພື່ອລະລຶກວັນເກີດຂອງທ່ານຈ້າວຜູຊູ່ ຜູ້ນຳສາດສະໜາທີ່ມີຊື່ສຽງຂອງຈີນຄົບຮອບ100ປີ,ໃນວັນທີ27ທັນວານີ້,ພາກສ່ວນກ່ຽວຂ້ອງຂອງຈີນໄດ້ຈັດເວທີປຶກສາຫາລືການກຸສົນຂອງພຸດທະສາສະໜາຄັ້ງທຳອິດຢູ່ປັກກິ່ງ.
ໃນເວທີປຶກສາຫາລື,ຜູ້ຊ່ຽວຊານທີ່ກ່ຽວຂ້ອງແລະບຸກຄົນວົງການສາສະໜາໄດ້ຮ່ວມກັນປຶກ ສາຫາລືຜົນສະທ້ອນອັນສຳຄັນແລະຄວາມໝາຍຕົວຈິງຂອງແນວຄິດສາສະໜາພຸດຂອງທ່ານຈ້າວຜູຊູ່ທີ່ມີຕໍ່ການຊຸກຍູ້ການພັດທະນາວຽກງານການກຸສົນຂອງສາສະໜາພຸດຂອງ ຈີນ,ໂດຍຖືການເອົາການພັດທະນາການກຸສົນຍຸກປະຈຸບັນຂອງຈີນປະສານກັບຄວາມເມດຕາກະລຸນາຂອງວົງການພຸດທະສາສະໜາຂອງຈີນເປັນຫົວຂໍ້ສຳຄັນ.
ທ່ານຈ້າວຜູຊູ່ແມ່ນນັກການເຄື່ອນໄຫວສັງຄົມທີ່ມີຊື່ສຽງແລະຜູ້ນຳສາດສະໜາຜູ້ຮັກຊາດທີ່ດີເລີດ,ທ່ານເຄີຍເປັນຮອງປະທານສະພາປຶກສາການເມືອງແຫ່ງຊາດຈີນ ປະທານກິຕິມະສັກຂອງຄະນະກຳມະການສູນກາງສະມາຄົມຊຸກຍູ້ປະຊາທິປະໄຕຂອງຈີນ ປະທານພຸດທະສະມາຄົມຂອງຈີນ.ທ່ານຍັງແມ່ນນັກປະພັນ ນັກກະວີແລະອາຈານດ້ານການຂຽນງາມ ທີ່ມີຊື່ລືຊາພາຍໃນປະເທດຈີນແລະຕ່າງປະເທດ.
|
|
|
