|
ທ່ານຢາຊູໂອ ຟູຄູດາ ນາຍົກລັດຖະມົນຕີຍີ່ປຸ່ນກ່າວເນັ້ນວ່າ,ຄວນເບິ່ງບັນຫາປະຫວັດສາດ ຢ່າງຖືກຕ້ອງ
cri
Author: shuo
ຕາມຂ່າວສານຊິນຮວາ:ວັນທີ28ທັນວານີ້,ໃນເວລາກ່າວປາຖະກະຖາຢູ່ມະຫາວິທະຍາໄລປັກກິ່ງ,ທ່ານຢາຊູໂອ ຟູຄູດາ ນາຍົກລັດຖະມົນຕີຍີ່ປຸ່ນກ່າວວ່າ,ໃນເວລາຢ້ຽມຢາມຍີ່ປຸ່ນໃນເດືອນເມສາປີ2007,ທ່ານນາຍົກເວີ່ນເຈ່ຍປາວເຄີຍກ່າວວ່າ,ການເນັ້ນໜັກການຖືປະຫວັດສາດເປັນແວ່ນແຍງບໍ່ແມ່ນແກ່ຍາວຄວາມຄຽດແຄ້ນ,ແຕ່ຫາກແມ່ນເພື່ອບຸກເບີກອະນາຄົດໃຫ້ດີກວ່າເກົ່າ.ທ່ານຢາຊູໂອ ຟູຄູດາກ່າວວ່າ,ທ່ານໄດ້ຮັບເຫັນດີຄວາມເວົ້າດັ່ງກ່າວຂອງທ່ານນາຍົກເວີ່ນເຈ່ຍປາວດ້ວຍນ້ຳໃຈອັນເຄັ່ງຂຶມ.
ທ່ານຢາຊູໂອ ຟູຄູດາກ່າວວ່າ,ໃນປະຫວັດສາດອັນຍາວນານ,ເຖິງວ່າຍີ່ປຸ່ນກັບຈີນເຄີຍມີໄລຍະທີ່ບໍ່ເປັນຈັ່ງບຸນແນວນັ້ນແນວນີ້,ແຕ່ວ່າພວກເຮົາມີໜ້າທີ່ແລະມີພັນທະໄປເບິ່ງໄລ ຍະດັ່ງກ່າວຕາມສະພາບຕົວຈິງຮ້ອຍເປີເຊັນ,ແລະໃຫ້ລູກຫຼານຮູ້ຈັກແລະສືບຕໍ່ກັນໄປທຸກເຊັ່ນຄົນ.
ທ່ານຍັງກ່າວເນັ້ນວ່າ,ຍີ່ປຸ່ນເດີນຕາມເສັ້ນທາງປະເທດສັນຕິພາບຢູ່ສະເໝີ,ແລະອອກແຮງຮ່ວມມືກັບປະຊາຄົມໂລກ.ແຕ່ວ່າ,ຍີ່ປຸ່ນຍັງຕ້ອງສຳຫຼວດຄວາມຜິດພາດຂອງຕົນຄືນໃໝ່,ແລະຫວນຄືນເລື່ອງໃນອະດີດຢ່າງຕັ້ງໜ້າແລະຖ່ອມຕົວ,ໂດຍຄຳນຶງເຖິງອາລົມຈິດຂອງຜູ້ຖືກທຳຮ້າຍ,ເຮັດແບບນີ້ຈຶ່ງສາມາດຫຼີກເວັ້ນບໍ່ຊ້ຳຄວາມຜິດໃນອະດີດ.
|
|
