|
ຕາມຂ່າວສານຊິນຮວາ: ຕອນເຊົ້າວັນທີ 29 ທັນວານີ້ ຢູ່ທີ່ປັກກິ່ງ, ໂຄສົກລັດຖະບານຍີ່ປຸ່ນກ່າວວ່າ, ທ່ານຢາຊູໂອ ຟູຄູດາ ນາຍົກລັດຖະມົນຕີຍີ່ປຸ່ນຮູ້ສຶກເພິ່ງພໍໃຈທີ່ສຸດຕໍ່ການເຈລະຈາອັນບັງເກີດຜົນກັບຜູ້ນຳຈີນ.
ທ່ານກ່າວວ່າ, ທ່ານນາຍົກລັດຖະມົນຕີຢາຊູໂອ ຟູຄູດາຍິນດີພ້ອມກັນກັບຜູ້ນຳຈີນຄົ້ນຄວ້າການຂະຫຍາຍການພົວພັນລະຫວ່າງຍີ່ປຸ່ນກັບຈີນໃນສາຍຕາຍາວໄກ, ແລະເຫັນວ່າ ສອງຝ່າຍຈະສາມາດກ້າວເຖິງຂັ້ນເປັນເອກະພາບກັນຕໍ່ອະນາຄົດແຫ່ງການຂະຫຍາຍຕົວອັນຍາວໄກຂອງການພົວພັນລະຫວ່າງສອງປະເທດ. ທ່ານກ່າວວ່າ, ຈີນກັບຍີ່ປຸ່ນແມ່ນມະຫາປະເທດເສດຖະກິດໃນອາຊີ, ຍີ່ປຸ່ນແລະຈີນຂະຫຍາຍການພົວພັນທາງຍຸດທະສາດແລະການຮ່ວມມືທີ່ຕ່າງຝ່າຍຕ່າງມີຜົນປະໂຫຍດນັ້ນ ບໍ່ພຽງແຕ່ຈະມີຜົນດີຕໍ່ສອງປະເທດເທົ່ານັ້ນ, ກໍຈະມີຜົນດີຕໍ່ພາກພື້ນແຫ່ງນີ້ແລະທົ່ວໂລກອີກດ້ວຍ.
|
