|
ຕາມຂ່າວສານຊິນຮວາ: ວັນທີ 29 ທັນວານີ້, ໃນພິທີປິດກອງປະຊຸມຄັ້ງທີ 31 ຂອງສະພາປະຊາຊົນແຫ່ງຊາດຈີນສະໄໝທີ 10, ທ່ານອູປາງໂກ ປະທານສະພາປະຊາຊົນແຫ່ງຊາດຈີນກ່າວເນັ້ນວ່າ, ລັດຖະບານກາງຈີນຈະຜັນຂະຫຍາຍທິດທາງປະເທດດຽວສອງລະບອບຢ່າງໝັ້ນໜຽວ ບໍ່ປ່ຽນແປງ ເພື່ອຮັບປະກັນລະບອບປະຊາທິປະໄຕຮົງກົງພັດທະນາຢ່າງປອດໃສ.
ທ່ານອູປາງໂກກ່າວເນັ້ນວ່າ, ນັບແຕ່ຮົງກົງກັບຄືນສູ່ປະເທດຊາດ 10 ປີມານີ້, ເວົ້າລວມແລ້ວ ສະພາບການຜັນຂະຫຍາຍແລະຈັດຕັ້ງປະຕິບັດທິດທາງປະເທດດຽວສອງລະບອບແລະກົດໝາຍພື້ນຖານ ແມ່ນໄດ້ດຳເນີນໄປເປັນຢ່າງດີ. ພຶດຕິກຳໄດ້ພິສູດແລະຈະພິສູດຕໍ່ໄປວ່າ, ປະເທດດຽວສອງລະບອບມີພະລັງຊີວິດອັນແຂງແຮງ, ກົດໝາຍພື້ນຖານແມ່ນກົດໝາຍທີ່ດີສະບັບໜຶ່ງທີ່ໄດ້ຮັບການທົດສອບໃນພຶດຕິກຳ.
ທ່ານອູປາງໂກກ່າວວ່າ, ພວກຂ້າພະເຈົ້າເຊື່ອວ່າ, ອຳນາດການປົກຄອງເຂດບໍລິຫານພິເສດຮົງກົງຈະສາມາດແກ້ໄຂບັນຫາການພັດທະນາໂຄງປະກອບການເມືອງຮົງກົງຢ່າງເໝາະສົມ, ບັນລຸເປົ້າໝາຍທີ່ເລືອກຕັ້ງຜູ້ວ່າການແລະສະມາຊິກທັງໝົດຂອງສະພານິຕິບັນຍັດຮົງກົງໂດຍທົ່ວໄປ ທີ່ໄດ້ກຳນົດໄວ້ໃນກົດໝາຍພື້ນຖານ.
|
