ຕາມ​ຂ່າວສານ​ຊິນ​ຮວາ: ​ຕາມຕົວ​ເລກ​ຫຼ້າ​ສຸດ​ທີ່​ລັດຖະບານ​ຫວຽດນາມ​ປະ​ກາດ, ຄາດ​ວ່າ ການ​ສົ່ງອອກ​ຜ້າ​ແພ​ຂອງ​ຫວຽດນາມ​ໃນ​ປີ 2007 ຈະ​ບັນລຸ 7 ຕື້ 700 ລ້ານ​ໂດ​ລາ​ສະ​ຫະ​ລັດ, ສ່ວນ​ໃນ​ປີ 2008, ການ​ສົ່ງ​ອອກ​ດັ່ງກ່າວ​ຈະ​ບັນລຸ 9 ຕື້ 500 ລ້ານ​ໂດ​ລາ​ສະ​ຫະ​ລັດ.

​ເພື່ອ​ບັນລຸ​ຄາດໝາຍ​ການ​ສົ່ງ​ອອກ​ຂອງ​ປີ 2008, ກະຊວງ​ອຸດສາຫະກຳ​ແລະ​ການ​ຄ້າ​ຫວຽດ​ນາມ​ຮຽກຮ້ອງ​ໃຫ້​ວິ​ສາ​ຫະກິດ​ຜະລິດ​ແລະ​ສົ່ງ​ອອກ​ຜ້າ​ແພຢູ່​ແຫ່ງ​ຕ່າງໆ​​ທົ່ວ​ປະ​ເທດ ປັບ​ປຸງ​ຕະຫຼາດ​ສົ່ງ​ອອກທີ່​ມີ​ມາ​ແຕ່ດົນ​ນານ ​ເຊັ່ນ ​ເອີ​ລົບ ທະວີບອາ​ເມ​ລິ​ກາ​ແລະ​ຍີ່​ປຸ່ນ​ຕື່ມ​ອີກ, ພ້ອມ​ກັນນັ້ນ ​ບຸກ​ເບີກ​ຕະຫຼາດ​ສົ່ງ​ອອກ​ແຫ່ງ​​ໃໝ່.

ກະຊວງ​ອຸດສາຫະກຳ​ແລະ​ການ​ຄ້າ​ຫວຽດນາມ​ໄດ້​ຮຽກຮ້ອງ​ໃຫ້​ແຫ່ງ​ຕ່າງໆ​ອອກ​ແຮງ​ພັດ​ທະ​ນາ​ການ​ຜະລິດ​​ຝ້າຍ. ນອກ​ນີ້, ຫວຽດນາມ​ຍັງ​ຈະເພີ່ມ​ທະວີ​ການ​ຮ່ວມ​ມື​ກັບ​ປະ​ເທດ​ອາ​ຊຽນ​ອື່ນໆ​ໃນ​ຂົງ​ເຂດ​ຜະລິດ​ວັດຖຸ​ດິບ​ຂອງ​ຜ້າ​ແພ, ​ແລະ​ພວມ​ຊຸກ​ຍູ້​ການ​ປະ​ຕິ​ຮູບ​ລະ​ບົບ​ຫຸ້ນ​ສ່ວນ​ຂອງ​ລັດວິສາຫະກິດ​ຜ້າ​ແພ, ​ເພື່ອ​ຍົກກຳລັງ​​ແຂ່ງຂັນ​ຂອງ​ວິ​ສາ​ຫະ​ກິດ​ຜ້າ​ແພ​ໃຫ້​ສູງ​ຂຶ້ນ.