ຕາມ​ຂ່າວ CRI: ຫວ່າງ​ມໍ່ໆ​ນີ້, ຄະນະ​ກຳມະການ​ຈັດ​ຕັ້ງງານ​ກິລາ​ໂອ​ລິ​ມປິກ​ປັກ​ກິ່ງ​ປະ​ກາດ​ວ່າ, ຄະນະ​ກຳມະການ​ດັ່ງກ່າວ​ຈະ​ຈັດ​ກິດຈະກຳຂະໜາດ​ໃຫຍ່ "ຕ້ອນ​ຮັບ​ງານ​ກິ​ລາ​ໂອ​ລິມ ປິກ ອວຍ​ພອນ​ປັກ​ກິ່ງ" ຢູ່​ແທ່ນ​ຈົ່ງ​ຮວາ​ສຶຈີ້​ທີ່​ນະຄອນຫຼວງ​ປັກ​ກິ່ງ​ໃນ​ວັນ​ທີ 31 ທັນ​ວາ​ນີ້, ພ້ອມ​ກັນ​ກັບ​ຊາວເມືອງ​ປັກ​ກິ່ງ​ແລະ​ປະຊາຊົນ​ທົ່ວ​ປະ​ເທດ​ຕ້ອນຮັບ​ສຽງ​ລະ​ຄັງ​ປີ​ໃໝ່, ຮ່ວມ​ກັນ​ຢ່ວງ​ບາດກ້າວ​ທຳ​ອິດກ້າວ​ເຂົ້າສູ່​ງານ​ກິລາ​ໂອ​ລິ​ມປິກ 2008.

ຕາມ​ແຜນ​ກິດຈະກຳ, ​ໃນ​ເວລາ 24 ​ໂມງ​ຂອງ​ວັນ​ຂຶ້ນປີ​ໃໝ່​ສາກົນ, ບຸກຄົນ​ທີ່​ລື​ຊຶ່​ລື​ນາມ ​ເຊັ່ນ ທ່ານ​ຢາງ​ລີ້​ເວີຍ ວິລະ​ຊົນ​ນັກ​ການບິນ​ອະວະກາດ​ຈີນ ທ່ານ​ສິ​ໄຫ​ເຟິ່ງ ວິລະ​ຊົນ​ຜູ້​ຊີງ​ໄດ້​ຫຼຽນ​ຄຳ​ງານ​ກິລາ​ໂອ​ລິ​ມປິກຫຼຽນ​ທຳ​ອິດຂອງ​ຈີນ ທ່ານ​ເສິງ​ລົງ ນັກສະ​ແດງ​ທີ່​ມີ​ຊື່​ສຽງ​ດົງ​ດັງ​ຂອງ​ຮົງ​ກົງ ຈະ​ຮ່ວມ​ກັນ​ຕີ​ລະຄັງ​ຕ້ອນຮັບ​ປີ​ໃໝ່ 2008, ປະກາດ​ວ່າ​ນະຄອນ​ຫຼວງ​ປັກ​ກິ່ງ​ກ້າວ​ເຂົ້າ​ສູ່​ປີ​ງານ​ກິລາ​ໂອ​ ລິ​ມປິກຢ່າງ​ເປັນ​ທາງ​ການ​ແລ້ວ.