ຕາມ​ຂ່າວສານ​ຊິນ​ຮວາ: ວັນ​ທີ 30 ທັນວາ​ນີ້, ຄະນະ​ກຳມະການ​ການ​ພັດທະນາ​ແລະ​ການ​ປະ​ຕິ​ຮູບ​ແຫ່ງ​ລັດ​ຈີນ​ປະກາດ​ວ່າ, ​ໃນປີ 2007 ນີ້, ຈີນ​ໄດ້​ປິດ​ໂຮງ​ໄຟຟ້າ​​ນ້ອຍຢູ່​ແຫ່ງ​ຕ່າງໆ​ລວມ​ມີ 14 ລ້ານ 3 ​ແສນ 8 ໝື່ນ​ກິ​ໂລ​ວັດ, ລື່ນ​ຄາດໝາຍປີ​ນີ້ 43%, ​ໄດ້​ຮັບ​ຜົນ​ຢ່າງ​ພົ້ນ​ເດັ່ນ ​​​ໃນ​ການ​ຫຼຸດ​ການ​ລະບາຍ​ອາຍ​ພິດ​ເຮືອນ​ແກ້ວ​ແລະ​ປະຢັດ​ພະລັງ​ງານ.

ນັບ​ມາ​ຮອດ​ວັນ​ທີ 27 ທັນວາ​ປີ​ນີ້, ຈີນ​ໄດ້​ປິດ​​ເຄື່ອງ​ຜະລິດ​ໄຟຟ້າ​ຂະໜາດ​ນ້ອຍ​ທີ່​ເອົາ​ຖ່ານ​ຫີນ​ເປັນ​ພະລັງງານ 553 ​ເຄື່ອງ, ລື່ນຄາດໝາຍ​ທີ່​ໄດ້​ກຳນົດ​ໄວ້​ໃນຕົ້ນ​ປີ​ນີ້​.

​ເຈົ້າໜ້າ​ທີ່​ຄະນະ​ກຳມະການ​ດັ່ງກ່າວ​ໄດ້​ກ່າວ​ຢູ່​ປັກ​ກິ່ງ​ວ່າ, ພາຍຫຼັງ​​ໄດ້​ປິດ​ເຄື່ອງ​ຜະ​ລິດ​ໄຟ​ຟ້າ​ເຫຼົ່າ​ນີ້​​ແລ້ວ, ​ແຕ່ລະ​ປີ ຈີນ​ຈະ​ຫຼຸດ​ການ​ໃຊ້​ຖ່ານ​ຫີນ 18 ລ້ານ 8 ​ແສນ​ໂຕນ, ຫຼຸດ​ການ​ລະ​ບາຍ​ກາກ​ບອນ​ດີ​ອອກ​ສິດ 37 ລ້ານ 6 ​ແສນ​ໂຕນ.