|
ຕາມຂ່າວ CRI: ວັນທີ 30 ທັນວານີ້, ຄະນະກຳມະການເລືອກຕັ້ງໄທປະກາດວ່າ, ສະມາຊິກພັກພະລັງປະຊາຊົນໄທ 3 ຄົນທີ່ມາຈາກເຂດເລືອກຕັ້ງຈັງຫວັດບຸລີລຳ ທາງພາກອີສານຂອງໄທ ທີ່ໄດ້ຮັບເລືອກຕັ້ງເປັນສະມາຊິກສະພາ ໄດ້ຖືກຖອນຄຸນວຸດທິການເປັນສະມາຊິກສະພາ ຍ້ອນມີກະທຳໃຫ້ສິນບົນ. ນີ້ແມ່ນບັດແດງສາມໃບທຳອິດທີ່ຄະນະກຳມະການເລືອກຕັ້ງໄທປະກາດຕັ້ງແຕ່ສິ້ນສຸດການເລືອກຕັ້ງສະມາຊິກສະພາຜູ້ແທນລາຊະດອນເປັນຕົ້ນມາ.
ນອກນີ້, ຕາມການກຳນົດຂອງກົດໝາຍວ່າດ້ວຍການເລືອກຕັ້ງຂອງໄທ, ຄະນະກຳມະການເລືອກຕັ້ງໄທຍັງຈະກ່າວຟ້ອງ 3 ຄົນດັ່ງກ່າວ, ເພື່ອຫ້າມບໍ່ໃຫ້ພວກເຂົາເຈົ້າເຂົ້າຮ່ວມການເມືອງພາຍໃນໜຶ່ງປີ, ແລະລົງໂທດພວກເຂົາເຈົ້າໃຊ້ເງິນທີ່ໃຊ້ເຂົ້າໃນການຈັດການເລືອກຕັ້ງຄືນໃໝ່ຢູ່ເຂດເລືອກຕັ້ງດັ່ງກ່າວ.
ມື້ດຽວກັນ ທ່ານສຸລາພົງ ສຸວົງລີ ເລຂາທິການພັກພະລັງປະຊາຊົນໄທໄດ້ກ່າວຕຳນິວ່າ, ການເກີດເຫດດັ່ງກ່າວແມ່ນຍ້ອນມີຄົນຢາກສະກັດກັ້ນພັກພະລັງປະຊາຊົນຈັດຕັ້ງລັດຖະບານຊຸດໃໝ່, ແຕ່ທ່ານກ່າວວ່າ, ປັດຈຸບັນ, ຄວາມພະຍາຍາມປະກອບລັດຖະບານຂອງພັກດັ່ງກ່າວຍັງບໍ່ທັນໄດ້ຮັບຜົນກະທົບຈາກເຫດການດັ່ງກ່າວ.
|
