ຕາມ​ໜັງ​ສືພິມ"​ເຢີ​ນມີນຢື້​ປ້າວ"ຂອງ​ຈີນ:ວັນ​ທີ 30 ທັນວາ​ນີ້,ພະ​ແນກ​ອະນຸລັກ​ສິ່ງ​ແວດ​ລ້ອມ​ນະຄອນ​ປັກ​ກິ່ງ​ປະກາດ​ວ່າ,ຄຸນ​ນະພາບ​ອາ​ກາດ​ໃນ​​ເຂດ​ເທດສະ​ບານປັກ​ກິ່ງ​ໃນ​ປີ​ນີ້​ໄດ້ບັນລຸ​ເປົ້າ​ໝາຍລະດັບ​ສອງ​ແລະ​ດີກ​ວ່າ​ລະດັບ​ສອງ 67%  ຄື 246 ວັນ​ໃນ​ໝົດ​ປີ​ກ່ອນ​ເວລາ​ກຳນົດ​ມື້ໜຶ່ງ.ນັບ​ມາ​ຮອດ​ປະຈຸ​ບັນ,ຄຸນ​ນະພາ​ບອາກາດ​ຂອງ​ປັກ​ກິ່ງ​ໄດ້​ຮັບ​ການ​ດັດ​ແປງ​ດີ​ຂຶ້ນ​ໃນ 9 ປີ​ລຽນຕິດ.

ວັນ​ທີ 31 ທັນວາ​ນີ້,ສູນ​ຕິດຕາມ​ກວດກາ​ການ​ອະນຸລັກ​ສິ່ງ​ແວດ​ລ້ອມ​ນະຄອນ​ປັກ​ກິ່ງ​ໄດ້​ປະກາດ​ບົດ​ລາຍ​ງານຄຸນ​ນະພາ​ບອາກາດ​ລາຍ​ເດືອນ​ສະບັບ​ສຸດ​ທ້າຍ​ໃນ​ປີ 2007,ຂຽນ​ວ່າ,​ໃນປີ 2007,ວັນທີ່ບັນ​ລຸລະດັບ​ໜຶ່ງ​​ເພີ່ມ​ຂຶ້ນ,ມື້​ທີ່​ມີ​ມົນ​ລະ​ພິດລະດັບ​ກາງ​ແລະ​ລະດັບ​ໜັກ​ຄື​ລະດັບສີ່​ແລະ​ລະດັບ​ຫ້າ​ໄດ້​ໜ້ອຍ​ກວ່າ​ປີ 2006 12 ວັນ,​ໃນ​ເດືອນ​ເມສາ ​ເດືອນ​ກັນຍາ​ແລະ​ເດືອນ​ຕຸລາ​ໄດ້​ບັນລຸ​ລະດັບ​ດີກ​ວ່າ​ໝູ່​ແຕ່​ປີ 2000 ມານີ້,ຊຸນ​ເຟີ​ດີ​ອັອກສິດ​ໃນ​ອາກາດ​ໄດ້​ຫຼຸດ​ໜ້ອຍ​ລົງອີກ.

ເຈົ້າ​ໜ້າ​ທີ່​ພະ​ແນ​ກອະນຸລັກ​ສິ່ງ​​ແວດ​ລ້ອມ​ນະຄອນ​ປັກ​ກິ່ງ​ກ່າວ​ວ່າ,ມາດ​ຕະການ​ດັດ​ແປງ​ມົນ​ລະ​ພິດ​ໃນ​ປີ 2008 ຈະ​ເຂັ້ມ​ງວດ​ກວ່າ​ເກົ່າ​ແລະ​​ໃຊ້​ກຳລັງຫຼາຍ​ກວ່າ​ເກົ່າ,ພະຍາ​ຍາມ​ເຮັດ​ໃຫ້​ມື້​​ໄດ້ມາດ​ຕະຖານ​ເພີ່ມ​ຂຶ້ນ 11 ມື້​ຂຶ້ນ​ໄປ​ອີກ,ສະໜອງ​ອາກາດດີ​ໃຫ້​ແກ່​ງານ​ກິລາ​ໂອ​ລິ​ມປິກ.